【士㞗彈系列】《她被寄宿到鹽水男孩的家中》2K15中: K830

我：「妳重係咁講嘢，小心得唔到男仔嘅歡心呀…不過我可以講男仔嘅天性就係咁，如果佢覺得妳正，如果佢鍾意妳，係無可能唔諗鹹濕嘢的，呢樣嘢我哋都控制唔到，希望你明白同認清事實。」
U：「我知吖，所以對住你條仆街先會咁講。」
我：「唉，我又有乜所謂，妳點對我我睇得好開，但有其他人睇到㗎，妳估下其他男同學點睇妳先？」
U：「咁又點，我唔需要任何一個男同學睇上我，我只需要係嗰一位面前做好自己就得。」呢個女班長…正如佢當值嗰陣絕對唔會講粗口一樣。
我：「妳點諗係妳嘅自由嚟，我唔加鹽加醋喇，anyway，恭喜妳有一個新開始，可以同意中人一齊約會共進晚餐，打開戀愛嘅新一頁…唔使剩係約我食din。」
U：「收啦你，我使約你？你今年都係要聽我枝笛，就算我要你半夜出嚟都無得say no，我清楚你屋企狀況知道你有呢個能力，而唔係專登為難你。」
我：「嘩，女女妳約我半夜出嚟做乜先，唔通打友誼波？」千祈唔好月黑風高練空手道。
U：「隻Q講得啱，同你講得太多嘢係會影響智商。」
我：「或者啦…但妳既然高興，飲杯興祝下啦。」我舉起我罐zero，佢亦撞咗佢罐落嚟，然後我哋一飲而盡。
我：「諗定嗰日食乜，去邊，玩乜咪？」




U：「無呀，有問過佢，佢話唔使準備，去尖咀就得。」
我：「啊，咁妳都要諗下嗰日著乜，點色誘佢，做啲乜嘢越界嘅舉動先得㗎，如果唔係何來進展？」
U：「知啦，我會準備，唔會再著牛仔褲加T㗎喇，我無咁傻，你顧掂自己好過，唔使太過擔心我。」
我：「係咩，使唔使同妳練習定，幫妳揸下對波感受下先？免得嗰晚俾佢突襲唔識乘勝追擊而係驚惶失措。」
斗膽嘅發言，換嚟佢殺人嘅眼光望住我。
我：「欸…講笑㗎咋，唔好嬲啦…我唔係想性騷擾妳呀，只係妳都知我鹹濕鍾意亂講嘢，個腦又無幾時正經，識咗咁耐當妳係朋友點會咁攪妳喎，乖啦，我無惡意。」
然而，佢唔出聲個樣就好似想寫張缺點紙畀我咁。
我：「女俠，就算我再曳再鹹濕，都唔敢抽妳水啦，嗱，妳話過畀隻左手我掂我先掂咋，有無非禮過妳第二度先，只不過…男同女嘅相處，觸碰下調下情係好正常嘅一件事，最緊要互相明白同理解，妳睇下易汪佢兜嘢惜落嚟都可以完全無反應啦，其實妳唔使太在意呢啲，最緊要個男仔對妳好呀，過幾日咪同佢開開心心…」我雙手捉住佢左手同佢講，希望佢息怒。