【士㞗彈系列】《她被寄宿到鹽水男孩的家中》2K15中: K835

Q：「一次唔得，再主動啲你咪又係失手，小心露娜呀…」
我：「哈…好在佢唔算太主動，但我同妳…好似等緊妳畀我食咁，好期待但又唔知點，驚妳只係諗住補償我，如果唔開心我會過意唔去㗎。」
Q：「你同我非親非故都養咗我咁耐啦，證明你好惜我，到時屌得我舒服就得，我唔係啲會諗無謂嘢嘅女仔。」
佢講完就出返去彈keyboard…正一死人QQ，唔整到我對妳死心塌地都唔安樂，另外嗰幾個女仔又邊比得上妳吖，正所謂望住妳都滿足過中出其他女。
由於重要溫書，今晚八點全人類散場，QQ講大話話要留喺荷里活等仔，我就話留喺新蒲崗食埋平價晚飯先返屋企，然後join返一齊搭車。
星期五，週末前返學日…
鄧：「各位同學，雖然我知道測驗週重未完，你哋都重喺度努力緊，不過呢…下個禮拜四就係一年一度嘅學校旅行，我想你哋多多少少都準備下咁。」
豬：「Miss，我明㗎，唔關我事㗎，妳搵架校巴送我去某個地方食白麪包得㗎喇，我好知足。」
鄧：「欸，唔好咁灰啦，難得日日返學有日去旅行…」
豬：「嗱，如果目的地係東京嘅話我會興奮下嘅，最起碼都台北吖，我哋個個都由小學一年班就開始訓練，無乜人未去過一次以上嘅北潭涌㗎喇，再去只不過係回帶重播…」




鄧：「今年我哋會同隔籬Bio班一齊去嘅，佢哋提出咗幾個地點，好遺憾係無北潭涌嘅…分別係石澳，獅子山公園，同埋流水響三揀一，重有…嘅係，由於你哋已經係高中，所以開放咗燒烤活動唔使再野餐。」
豬：「唔好望住我啦，我環保鬥士一向反對增加碳排。」信你呀，一諗到要準備N多嘢燒烤實無人想做。
「Miss，我住天馬苑㗎，如果去獅子山嘅話我係咪可以步行返屋企食lunch？」又諗返起嗰次間茶記…
鄧：「可以，不過會通知家長兼當曠課記缺點。」
「咁…如果揀石澳嘅話係咪可以游埋水？」
鄧：「非常抱歉…開校以嚟從來都未試過有學校旅行有游水活動嘅，我當然唔會敢開先例，同埋唔係我睇唔睇到嘅問題，每一個地點都會派一個訓導睇場嘅，據我所知係得中六生私下搞嘅活動試過游水，你哋期待下啦…」
「想問下，除咗開放燒烤活動外，會唔會開放埋拍拖活動？」通常呢，問得呢啲就梗係死毒撚嚟。
「Woo！WooO！」一大堆低B。
鄧：「唔好問我啦…我鬼識分你哋係拖友定係普通朋友咩，總之一經發現違規活動會交由訓導處理，包括紅燈過馬路同隨地揼垃圾等等。」真識轉移話題。
最後，經亂咁舉手投票選出目的地係流水響，又，呢啲地方除咗個名外同北潭涌有乜分別？正如你問我新城市同又一城嘅話，白區多咗欣姐同仙地姐囉…