【士㞗彈系列】《她被寄宿到鹽水男孩的家中》2K15中: K836

時鐘繼續轉，一切如常，直到我腦袋一片空白星期六落街準備返工，點知我電話突然響起。
U：「得唔得閒陪下我？」呢條女攪邊科？
我：「妳指…謦電話？真人？我而家落樓下返工喎。」
U：「可唔可以唔返工？」
我：「吓…返工係我嘅職責嚟㗎喎，點可以無端端唔返呢，妳無理由咁慫恿我㗎喎，乜妳今晚唔係約咗食晚飯咩…」由於事不關己，我啱啱先醒起呢件事。
U：「咁你返飽佢啦。」佢把聲有啲嬲又有啲灰。
我：「妳無乜嘢呀嘛？」唔通食檸檬？
其實我明嘅，而家嘅我當然可以處之泰然，第一次揸人波波嚇到人走咗嗰陣嘅傷心…確實好難受，痛到入心入肺；所以卡車同細蚊都係超級好嘅女仔嚟！
U：「出就出，唔出就算！」中出嘅話即出。
我：「咁…我都要打電話請假先㗎，你等我一陣覆。」




結果，我好低能咁喺公司附近打電話畀馬叔叔請假…佢亦都批准咗，係講咗幾句話請得咁緊急唔係幾好，因為要突然之間留個姐姐加班，但返咗差唔多成年我先請第一次假所以佢都話問題不大，總之我就出發搵女班長。
我：「喺尖咀？我過嚟喇。」
U：「唔係，屋企附近，地鐵站等啦。」
又會咁早就返到去嘅，先九點四左右…去到之後沿住同佢行過嘅路，好容易就喺出口前撞到佢。
我：「天王星…妳無事嘛？」
U：「我可以有事咩？乜事都無發生到…」即係無檸檬？
我：「但係妳個樣好有事喎…睇開啲啦，呢啲事十常八九㗎咋，佢先係第一次同妳食飯，可能妳期望過高啫，慢慢嚟總有機會嘅，妳又無經驗係咪？」
U：「我注定無㗎喇。」
我：「唔似妳喎，妳應該好積極，有信心至係㗎。」
U：「我…想搵笪地方坐下。」




我：「可以呀，無問題，去公園坐？」
佢無答我，我唯有跟住佢行…我第一次見到呢個女仔咁灰，加埋佢嗰條黑色長袖貼身及膝連身裙同對黑色中身皮boot，所有嘢都變得好陰沉，而且呢區呢個鐘數人影都唔多幾隻，有一種特別凄寂嘅感覺。
行呀行，結果嚟到空手道道場…出奇嘅竟然係入面著咗燈，佢都打咗個突，但佢決定繼續開門，發現入面有半打女人到喺度玩緊瑜珈…不過佢無放棄，同個類似Miss嘅物體講咗兩句，就拉埋我坐喺某個角落度。
其實我都幾無奈，想喺地板上面打返一百個圈圈…話晒我返少一日工就無緊兩嚿水嚟養QQ。
我：「希望在明天嘅…我知道妳係女神好靚女，內外兼備非常優質，但係呢…戀愛嘅事邊有第一日就成功㗎，又唔係玩one night stand，期待下一次囉。」我心諗，人哋大哥哥應該打從一開始就無考慮過妳呢個option，又點會成功吖，或者好想食咗妳唔敢表達出嚟就真。