【士㞗彈系列】《她被寄宿到鹽水男孩的家中》2K15中: K838

U：「唔使，由得我，坐喺我隔籬就得。」佢先係挨喺我身邊，慢慢連個頭都放埋落嚟，隻左手掂住我嘅手臂，我就索性拖住佢，拖到好實，去到最後佢側身偎落我心口度，我知佢唔鍾意我，但失戀嗰陣可以攬住異性都好嘅…
如果QQ消失，我諗我會搵YY出嚟爆喊，不過我就衰啲，一定會順便鹹濕下佢，愛情失意起碼都重有性吖。
而女仔極度唔開心嘅樣，其實差唔多大同小異。
U：「多謝你陪我，我走喇。」
所以話呢，有時啲嘢就唔好抱有太大期望，其實如果QQ永遠十五歲都唔錯嘅…至於女班長，QQ講得無錯，佢嘅純度重高過四號仔，千祈唔好玩著佢，有乜萬一實收唔到科，要玩就玩淫賤女魔頭YY好啲。
但見到天王星咁嘅樣，我都無心情諗衰嘢嚕。
比較頭痛嘅係今晚件事好唔好同QQ講呢？班長嘅嘢當然唔可以爆畀佢知，而我頭先出門口嗰陣又真係諗住返工唔算呃佢，而我而家返到去就同平時放工一樣，我諗隻Q唔會咁多事問我嘅，最多一句辛苦晒；又真係幾辛苦，鬼叫我要安慰妳個純情發姣friend。
Q：「死仔包重唔溫書？想留到夜晚一路執枱一路溫？」
我：「非也，留返聽朝早會同頭兩堂嚟溫。」
Q：「你好同我即刻收返埋部電話攞本書出嚟！」呢個QQ，有時會變成Q媽，令我感到無比嘅溫馨。




如果我可以啜媽咪乳房咁啜下佢就好，一定乖晒。
我：「係呢…星期日晚，妳哋會唔會去夾下band咁呀？」
Q：「唔啦，個個都喺度溫緊書，本身諗住抽一兩個人陪天王星一陣，不過連佢自己都話唔去，應該係諗住chur埋呢兩日先再練過。」係鬼，一定係匿喺屋企自己一個唔開心，分分鐘連本書都無打開過。
我：「咁…妳今晚專心溫書？定係直播溫書？」
Q：「你理得我吖，溫你嘅書啦！我打住機嚟溫嘅效果隨時都好過你。」唓，根本就無從稽考，就算妳唔溫成績都喺我之上㗎啦，就如露娜化完妝都唔夠妳素顏嚟。
星期一，測驗，今日唯一嘅好消息同壞消息就係我要幫手買碳，當日要幫手攞兩包…好嘅係簡單易做乜都唔使諗，而壞處就係啲粗重嘢掉晒畀我做。
星期二，測驗週完結，但於我而言呢…
U：「喂！死仔包快啲上去換衫，今日要返去練空手道喇！」佢走咗兩個星期二，點都要現一現身嘅。
Z：「妳幾點完呀？夜晚去唔去band房？或者我哋早啲食完飯過嚟？」
U：「啱啱測完驗，妳哋抖下先啦，我諗剩返落嚟嘅就只可以睇自己，妳哋都幫唔到幾多。」




Q：「咁你哋畀心機，我去幫小朋友補習先喇。」