【士㞗彈系列】《她被寄宿到鹽水男孩的家中》2K15中: K839

Y：「唉，無計啦，我唯有搵下條仔打發時間。」
V：「咁我約鋼琴Miss補堂喇，星期四再練啦。」
而我就好似帶狗散步嘅受害者咁，都唔知係隻狗攪到主人無得休息，定係個主人迫隻狗不停散步。
我：「死人頭！打咗兩個幾鐘喇！妳攰唔攰㗎？！」其實又無嘅，因為頭粒半鐘都係陪啲小妹妹練。
U：「攰咪啱，一個人攰咗先證明到佢存在嘅價值。」呢個女仔真係癲㗎，唔通我又要晚晚進入女人身體清空咗先可以證明到自己係男人咩？！萬物係有墮性㗎，妳計數咁叻可唔可以搵啲時候服從下牛頓先生嘅智慧？
佢見我擋到pea，就自己喺度做sit up；而我見佢咁辛苦，就勉為其難咁幫手捉下隻臭腳，如果唔係佢咁臭脾氣，呢兩隻…大腳仔都可以話係令人愛不釋手嘅。
一般嚟講，學校入面嘅男仔係絕對唔會有機會幫女仔手壓腳，可惜嘅係自己又開始對呢啲嘢麻木，因為身水身汗鬼死咁攰，再諗呢啲嘢實攪到陰陽失調，內力盡失。
我哋都無數出聲，佢一口氣就係五十下，以女仔嚟講都算係犀利，重要已經做完咁耐運動。
U：「呼呵…呼呵…呼…」太多缺氧運動嘅後果。
我：「唉，點解妳就唔可以可愛少少呢？」




U：「收啦…唔係…唔可以，係我可愛嚟…可以有乜用？」如是者，我又唔係而家要生仔，我射精無用，硬J無用，就連條J嘅存在都係無用！嗰啲買家庭裝condom嘅唔該同我全部切晒佢，一條不留！忽必烈衝呀！
又唔係，男仔條朘朘重要卡嚟屙殊殊，有科學研究話女仔粒豆豆先係人體上最無卵用嘅器官，所以有啲極端宗教同古老部落會有割陰蒂呢種咁變態嘅儀式。
我：「我決定要做一個小小嘅實驗…」
U：「你又想點呀，死變…嘩卡卡吖…哈哈吖咳！」
難得控住佢兩隻腳板，我用膝頭夾實佢兩隻小腿向側扭再施展擳擳大法！佢隻腳當然好污糟啦，又塵又頭髮又汗水，但無損我凌辱佢嘅雅興，呢條女就只配…
我：「吖吖呀呀呀！」今勻又舐嘢了。
佢真係好Q大力，鎖到實都重可以抽到一隻腳出嚟踭踢我條腰，速度之快令我一命中就已經攤咗喺度。
我：「我知錯…郁唔到…」唔係講笑，呢個係叫不應期。
得返隻手投降，其他部位自動休克以免做成二次傷害。
U：「等你做實驗吖嗱，擳得我咁開心吖嗱！」




我：「我…而家一啲都唔開心…」好在我頭先夾佢嗰陣係將胯下貼到佢大髀實一實，咁先無俾佢錯腳踢爛個祠堂，否則我可以去申請攞達爾文奬。
U：「得你唔開心咩？我夠唔開心咯！」