【士㞗彈系列】《她被寄宿到鹽水男孩的家中》2K15中: K840

我：「但…我都無嘢幫到妳㗎喎，既然妳嗰晚決定唔再搵佢…起碼妳唔使俾人拒絕先吖，話唔定…佢做唔掂好快俾人炒然後返嚟香港呢。」
U：「我啋過你呀！」佢作狀想踩多我一腳咁。
我：「女俠大人饒命…其實，我哋同是天涯淪落單身狗，睇開啲就得㗎喇，好閒。」
U：「閒你個頭，你個女神日日喺你身邊，就算佢唔係你條女都重可以同佢講嘢同佢玩，我呢？！」
我：「唉，妳估我好好受，一諗到佢同條仔喺度恩愛。」
U：「係你自己廢，搶唔到佢返嚟咋嘛。」
我：「我文明人，以和為貴，唔係特別鍾意派帽，佢過得開心咪得囉，妳咁叻咪過兩年去美國讀書搵人哋。」
U：「有諗過嘅，但等得嚟蚊都瞓啦，唉，你覺唔覺得我近排好殘呀，唔開心…塊面越嚟越多暗瘡。」論皮膚最好一定係Zilvia，跟住幽蘭同QQ大概打和，姣婆YY都尚算守得住，反而做大運動量嘅佢係比較青春。
我唔知運動量同膚質嘅關係，正如有人話打飛機會出暗瘡，有人話出暗瘡就要打飛機，呢個相對性理論問題重深過其實係有飛機先定有搭客先。
我：「妳呢排…係咪成日練鼓？然後溫書溫到三更半夜無覺好瞓，朝早起身就飲咖啡吊命咁？」




U：「唔算溫好多書…亦無飲咖啡，但瞓得少係真嘅。」
我：「咁重衰，諗住仔仔發姣谷住谷住，唔出瘡就假。」
U：「我唔要呀！點解會咁㗎！點解你無㗎？」
我：「好明顯…我重係一個小朋友，未有青春。」
U：「你唔會諗住女神無覺好瞓嘅咩？明明大把仔都煩緊點溝女一頭煙，就連男班長都…」講開又講，唔知阿Myth佢係顧住溫書定夾band，抑或因為溝唔到女而失調，皮膚係差咗少少，但關我撚事咩，佢再靚仔隻Q都唔睺佢。
相反，傻仔健呢排咪又係出瘡，但我覺得佢係獲得咗青春先攪成咁，而且欣姐都一擔擔兩個人重好開心。
我：「唔會，諗住佢就梗係要好好打飛機，射完就好好瞓。」百毒不侵的我，聽住佢幫條仔射咪又係咁瞓。
U：「正一死鹹蟲，你無得救㗎喇。」
我：「唓，我無話唔認喎，就算係隻Q都知㗎啦，咪又係咁過，或者妳可以學下我做DJ打碟平衡返啲內分泌。」
U：「我先唔會呀！我係女仔嚟㗎！」




我：「荒謬！妳鍾意啦…有無需要係妳嘅自由，但唔通呢個世界得男人要做愛，女人唔使咩？」
U：「點同！我係女仔嚟㗎！點解佢哋幾個皮膚咁好㗎…」