【士㞗彈系列】《她被寄宿到鹽水男孩的家中》2K15中: K846

我：「吖，你條友趕成咁，唔通又要仆到去九龍塘扑嘢？」地址應該無錯，唔知係宿舍，校園野炮定開房啫…
健：「乜你咁睇我㗎，係要仆到去尖咀開工呀，五點半到就要開始上菜。」
我：「唓，咁你真係有大量放學扑嘢嘅真實紀錄吖嘛，做乜咁乖嘅，連星期三都走去開工。」
健：「無呀，有錢咪搵下囉，橫掂啱啱測晒驗。」
我：「而家四點半都未夠，使唔使咁趕呀？」
健：「早少少去到，就可以食下嘢先開工，係咁。」
我：「唔怪之得你又好似肥返啲…咁幾點收工呀？」
健：「嗯，上埋二輪菜就走喇，唔使殺尾八點幾閃人。」
我：「做乜呀，驚太夜返屋企俾媽媽鬧呀，你會咩？」
健：「唔係，通常阿欣會走嚟接我放工，費事太夜啫。」




我：「原來早退又係為咗扑嘢…」
健：「唔啦，見半粒鐘左右咋，下下都要扑咩？」
我：「就算無得扑，可能有波仔揸，重有出精服務。」
健：「揸波呢啲基本嘢嚟嘅啫，如果唔係見嚟做乜？」
我：「唉，閃死人，葡萄死我。」
健：「有乜好羨慕呀，你都揸過啦…你夠可以返去抽Queenie水，一陣同幽蘭打牌又可以掂到下。」
我：「唔同嘅，就算屋企隻女鬼肯畀我掂，服務質素又係另一回事嚟。」
健：「咁又係呀，阿欣佢嘅性格同手勢都係一流，我好似返唔到轉頭。」直頭技壓九成一樓一添啦，死淫賤姐姐…
我：「喂，你成日去咗搵外快，媽媽知唔知㗎？」
健：「知呀，不過我係同佢講學校師兄捉埋我去幫手。」




我：「…，終於唔搵我過橋嗱？好啦，快啲去開工。」
睇住佢轉眼間有女有工開，轉變之大令我覺得自己不停喺度原地踏步，雖然好多人標籤我做活喺天堂嘅死仔包。
V：「如果我同你困咗喺間密室度，你會唔會姦咗我㗎？」打完橋牌後，我哋慣性會謦一陣欬咁。
我：「唔好亂講，呢度同密室分別不大㗎咋…不過我估就唔會嘞，我同妳個好朋友晚晚都困喺間密室度㗎啦，但佢都重係安然無恙…」
V：「你鍾意佢先驚佢嬲你咋嘛，你會驚我嬲你咩？」
我：「唔係驚唔驚囉，我都唔想整到妳唔開心㗎。」
V：「我喺度諗，可能好多女仔其實唔係咁鍾意自己嘅另一半，而係為咗有男朋友，是但，或者其他因素先同個男仔一齊，再同佢發生關係只係一種妥協，接受，咁同俾人強姦好似差唔多，只係急性同慢性嘅分別。」
我：「起碼…發生嗰一刻妳係自願嘅…」
V：「如果我患咗一種絕症，全世界得一個醫生可以醫返好我，但代價係要我嘅身體，咁我實肯㗎，不過之後應該會後悔，就會告返佢強姦同勒索，又或者有個男仔追我嗰陣對我好好氹到我，但得手之後就露出原形，當我發現嘅時候已經太遲，感覺好似俾佢強姦咗好多次咁。」好想話佢被害妄想症，但諗深一層又其實無錯，QQ嘅初戀，細蚊嘅EX包括埋我，Angel遇到嘅種種男人，同強姦犯有分別咩？