【士㞗彈系列】《她被寄宿到鹽水男孩的家中》2K15中: K856

我：「妳都識講嗰邊係女神嚟，而我只係一介平民。」
U：「呢排你好似同Flora行得好埋咁喎？」隔籬班姣閪Una，少肉地妹但波形唔太靚，著住件低胸T，樣不過不失，可以當佢係潮版嘅韻婷。
講真女神面前，正常人類都會顯得雖無過犯，但佢哋每一個平均值都叫好過細蚊嘅，所以我認為自己真心鍾意細蚊，只可惜呢種鍾意未至於令我放棄其他森林…
F：「我又邊敢同女神們爭仔呢，係ICT同組熟啲啫。」
我：「其實…唔好咁睇我啦，班女神都係搵我嚟玩嘅啫…」
C：「認真？咁不如考慮下阿花吖，佢呢排缺仔。」或者…佢哋都知道阿花冧我，所以先推波助瀾一下。
F：「無缺呀，我剩係需要交叉仔啲電腦功課就夠。」
U：「妳睇下吖，佢熟到叫人哋花名喇。」
我：「我諗…呢個係我嘅錯嚟，中英文名都唔太好叫。」
F：「咪係囉，其實通街都咁嗌佢㗎啦，連啲先生都係。」




「交叉大佬…想請教下點解你可以同啲女神混到咁熟嘅？」隔籬班男仔，當係Una啲兵嚟啦。
我：「嗯…嗯…好問題，可能…因為其他男同學對我有成見，所以唯有啲女神收留咗我。」
「咁又係呀，話晒你喺學校門口攬過兩個女仔。」
我：「喂，你哋咁清楚做乜…不過話時話你兩個咪又走咗過嚟同女仔坐，好意思話我嘅。」
「可能同你一樣掛，其他仔啲爐已經好迫。」當然呢個都要歸功於理科班男多女少嘅結果。
F：「唔好講無謂嘢喇，你都食啲嘢先啦。」
我：「唔係幾好嘅…我又無喺你哋呢度夾錢。」
F：「有乜所謂，我哋女仔燒嘢食做樣㗎咋，食得幾多吖。」佢遞咗一叉兩雞翼畀我。
我：「既然係咁，等我幫下你哋手燒嘢食啦。」如是者，我兩隻手控三四枝叉好閒啫，啲姣閪亦都食得好開心。
或者我真係個大仆街嚟，唔單止無換條女返去陪佢哋燒嘢食，自己重玩得好開心無返過去，女神們有時不時望下我咁，不過我都唔想㗎…係妳哋叫我唔好坐埋落去。




慕：「咦，睇嚟大家都食得差唔多喇喎。」
K：「男班長，做乜咁錯蕩走咗過嚟呀？」
慕：「咁，作為班長，關心一下同學都係必需嘅。」
K：「你係想關心同學吖，定係想關心嗰邊嗰幾位女仔呀？」呢個亦係鐵一般嘅事實嚟，嗰邊得雅如幾條女書蟲喺度，重要係會捉人爆粗嘅風紀隊長嚟，想過嚟抖下氣都好正常，至少其身不正嘅女班長唔會攪自己同學。