【士㞗彈系列】《她被寄宿到鹽水男孩的家中》2K15中: K857

慕：「嗰邊？入唔到去㗎…就咁睇落去係一個燒烤爐嚟，但出面好似一個透明嘅金字塔咁，普通人行埋去會死無葬身之地。」似乎佢對嗰幾條女已經因愛成恨。
「明嘅，不過阿爽就成日可以喺中間遊嚟遊去。」
慕：「可能佢係古埃及嗰啲蛇神呀，犬神嘅使者嚟，話唔定座金字塔佢都有份起出嚟。」我都知我係牛鬼蛇神。
我：「無呀，今日班埃及妖后唔摻我玩，可能謦重要嘢…」
「係喎，Myth哥，你哋嘅男女班長對決就快到喇喎。」
慕：「唔使咁凝重嘅，呢啲係交流下啫。」
「點呀，有無信心咁？」
慕：「我本身就會出賽㗎啦，當然會盡我所能，至於…如果真係要輸，都係輸比佢班好朋友，咁我都無符，但佢嘅話，得嗰個零兩個月可以做到啲乜吖。」
「係嘅，話晒你哋幾個由中一玩到而家，嗰幾個女仔就應該幼稚園已經學緊音樂，確實唔關女班長事。」
慕：「希望佢打鼓唔好甩晒beat累到啲好姐妹出醜，如果佢要偷偷播帶嘅話我都唔會踢爆嘅。」呢條友都幾有信心下，但我嘅身份比較尷尬，索性唔出聲就算。




C：「其實呢度都幾悶下，連間賣嘢玩嘅士多都無。」
U：「係囉，邊個揀㗎，重有成三個鐘先放學…」
F：「呀！我知道交叉仔一定畀到嘢玩你哋！」
我：「我？乜呀，無帶玩具嚟喎，打下傳說都重得嘅…」
F：「唔係呀，嗰啲呀，呢度先玩到嗰啲呀！」
我：「吓…伏匿匿？猜王帝？野球拳？定講真話？」
「好呀！我勁想知交叉仔同EX嘅嘢！重有佢同Queenie係咪真係有…」遇著呢啲中二病呢…好心啦，中四喇。
我：「我同EX無特別喎，你不如睇多啲AV算啦，重有明知我爆女神啲嘢一定會小命不保，點都鬥大膽算㗎啦。」
K：「唔玩呀，玩得多呢啲嘢傷感情。」
F：「唔係呀，上次你教我玩嘅呢。」佢指一指水塘。




我：「噢，嗰樣呀…好低B咋喎。」小學生先玩嘅啫。
F：「唔緊要啦，橫掂無嘢做，你就表演下畀佢哋睇啦。」
我：「唉，呢啲嘢…同轉間尺或者彈橡筋有乜分別呀？」無，因為我全部都好耍家，連QQ都五體投地。
F：「啱呀！無分別！所以你更加要盡展所長，行啦！」
慕：「嗯，低B嘢就咪攪我嘞，我品味比較差…」
結果，Cat同Una加隔籬班兩條仔跟埋我哋去水邊。
我：「你哋個樣做乜古古怪怪咁嘅…」
U：「嘻嘻，你個老司機唔係喺度扮唔明呀？」
我：「就咁推斷，即係男班長同妳哋大家姐有啲嘢？」