【士㞗彈系列】《她被寄宿到鹽水男孩的家中》2K15中: K858

F：「哎吔，可能啦，由得佢哋啦，你快啲表演先！」
而家啲女仔真係任性…正所謂工欲善其房事，必先利其性器，我低頭一搵，用咗十秒就見到一塊適合嘅石頭，執上嚟再隨手一捹，隨即打咗六七下水漂…
我：「嗱，就係咁…其實無乜特別啫。」
「嘩，犀利呀！原來呢個年代重有人玩呢啲嘢。」唔知佢係真心讚嘆定串我，是但啦，呢個年代嘅人個個都剩係望住部電話，所以康樂棋都無乜人打得贏我。
F：「都話㗎啦，其實交叉仔好多嘢都好叻㗎，唔信嘅話不如你哋又試下啦！」同吹香口膠波，再用條脷頂爆啪一聲嘅遊戲一樣，呢啲嘢你未玩過係唔會識玩，但係學識咗之後就一世，唔會似得讀完書轉過頭就唔記得晒，只不過呢啲嘢識更多都無卵用。
睇怕你哋連踩爆紙包飲品吉盒都唔會識㗎喇。
未等到我開聲，露娜就執起咗另一塊石打咗兩三下水漂…
F：「嗱，就係咁，你哋可以開始苦練下嘞。」
我承認，呢啲小學雞玩意的確低B到無倫，但喺呢個連竹蜻蜓同發泡膠飛機都買唔到鳥不生蛋嘅地方，呢啲已經係最好嘅娛樂，如果唔攞電話出嚟的話…
所以我又再講解咗一次點樣揀石春同埋點樣發力…




隔籬班兩條仔又真係幾落力喎，Una同Cat就喺側邊吶喊助威，整體嚟講玩得幾開心下；一路玩一路揀石頭，我哋幾個嘅距離亦開始拉遠，露娜帶我行去另一方向。
我：「欸，妳唔係想同我講佢哋幾個都有啲嘢呀？」
F：「唔知呀，但如果可以有嘢嘅話唔係幾好咩？」
我：「可能…但要睇啱唔啱牙㗎…」
F：「佢哋有無嘢就唔知喇，但肯定嘅係我同你有嘢啫。」
我：「喂！事實係唔可以講出嚟㗎，重有…妳應承過喺學校會乖乖地唔會帶畀我麻煩…」
F：「係呀，你都識講係學校，但呢度唔係喎。」呢個契妹…認真百厭，係個危險人物嚟，點會用絕對物理地點嚟定義學校㗎，只要係學校規定活動就係學校㗎啦。
我：「妳咁講又無錯嘅，但我只想平平安安度過今日。」
F：「唔得喎，我要推你去山邊姦咗你。」
我：「唔好發夢啦，今日呢度周圍都係人…況且…應該無乜邊個女仔姦到我，因為綁唔到我。」




F：「你口硬啦，下面重易硬呀，有本事就唔好硬。」
我：「嗱，我哋正常相處，一般嚟講唔會咁易硬嘅。」
F：「點解你同啲女神們就可以有純友誼，但係就咁驚同我玩呢，應該無分別㗎？」我實在唔敢話佢知我同啲女神們已經開始變得有幾腐爛，重漚到有啲腥臭。