【士㞗彈系列】《她被寄宿到鹽水男孩的家中》2K15中: K866

如果得我哋三個就無乜所謂，但而家唔可以令QQ丟假㗎嘛，話晒…對上嗰年我真係同佢條仔無乜分別。
Y：「睇嚟，有人想同妳爭仔咁喎。」呢個女魔頭。
Q：「妳就咪亂噏啦，收兵可以亂玩啫，仔就唔太好…」
U：「雖然我哋都知呢隻嘢唔係妳條仔嚟，但係妳的確擁有對佢嘅最高支配權，佢亦佔據咗妳喺學校入面嘅最大份額異性時間。」呢啲係乜㞗嘢term嚟㗎…
Q：「邊有得咁計㗎！大佬，佢坐我隔籬㗎…如果按照妳咁講佢亦都佔據咗幽蘭嘅最大份額異性時間。」
V：「嘩，唔好咁講我呀，我又邊敢同茜旎妳爭仔喎，妳識佢早我咁多，論累積佔據時數一定係妳贏晒，其實我就覺得，妳喺學校入面多條仔都無乜唔妥啫，多條仔又唔等於要出軌嘅，可以只係名義上而唔係行動上就得。」呢個女仔啲邏輯向來古怪，但又好似解釋到咁。
Q：「唔使喇，多條仔我會應付唔嚟…」妳唔想MMF啫…
其實我都唔想，我寧願無得掂佢都唔想MMF，因為佢喺我心目中唔係呢啲女仔，要玩MMF搵YY都好啲。
但如果係MFF我就接受到嘅，呢個係男人嘅天性嚟。
Z：「其實…就算佢係唔係妳個…男仔…都好，你哋都係對方重要嘅人嚟，不如你兩個就喺度好好謦下先。」




U：「啱嘞，唔好話我哋唔畀空間你哋就得。」
Y：「仔又好，乜都好啦，自己安排就得，係你哋兩個人嘅事嚟，我哋好明白亦都唔會插手。」
V：「記住唔好鬧架呀，希望你哋兩個可以幸福。」
呢班八婆…好在我同QQ有極之深厚嘅感情，唔會俾妳哋玩死；然後睇住佢哋走咗去，剩返我同QQ喺橋上面。
Q：「喂，即係咁，我唔介意你周圍食女，只要唔好食著我啲姐妹嘅話…但係，都唔好影響我得唔得？」
我：「無囉，應承過就唔會再食女㗎啦，講得出做得到，至於阿花佢…都係玩嘅啫，妳唔使放喺心㗎，我諗妳班好姐妹實會理解妳嘅，妳顧住自己形象就得，當玩我又好，當係我迷妳又好啦…」
Q：「咁就梗㗎啦，從來無諗過要理你嘅感受。」
我：「放心啦，我心臟好強大，就算妳當眾兜巴升我都頂得順㗎。」橫掂我心入面得妳，上次俾韻婷升巴重驚過…
Q：「似乎就無呢個需要嘅，除非你做嘅嘢過份到我真係想車巴你啦…我唔擔心你呀，你條友厚面皮到咁，抵你慢慢俾女玩死就啱，重有…我同你都咁熟，有乜嘢得失就返到屋企先慢慢計，我平時好so你㗎喇，唔好喺度扮慘。」
通常喺學校場合，佢就會比起屋企女王好多。




所以我覺得就算有一日同佢喺屋企好恩愛咁扑完嘢，只要一離開間屋我又只會變返佢嘅附屬品。