【士㞗彈系列】《她被寄宿到鹽水男孩的家中》2K15中: K867

我：「當然啦，女神妳嘅大恩大德，簡直就係仙女嚟…不過我想講，都係妳哋今日叫我唔好黐埋嚟，阿花又hi我，先走去同佢哋一齊燒嘢食啫，我無乜特別企圖。」
Q：「理得你有乜特別企圖吖，即係如果我唔得閒幫下你出精你就會搵阿花上床啦係咪？咪上囉，最緊要你哋開心啫…我哋今日喺度謦演出安排呀，同埋啲服裝，諗住你幫唔到啲乜嘢手，又費事講你知咪叫你唔好坐落嚟囉，你又係嘅，好地地同班仔燒又會走咗去搵人哋嘅。」
我：「呢層…當我得罪人多囉，咁而家點呀？我係咪黐住妳行一陣先？」因為得返我同佢啫。
Q：「你喜囉，我又唔使喺學校入面搵食，你攪到無仔敢黐埋嚟我樂得安靜啫。」
我：「唓，妳要有嘅我喺唔喺度都無影響㗎啦，如果唔係妳冷冰冰咁，男班長咪又嚟煩住妳。」
Q：「嗱，呢啲唔係叫冷冰冰，係叫講清講楚，我先唔似得你咁唔清唔楚，上年一個韻婷，今年一個阿花。」
我：「乜唔清楚，我當佢哋全部係好朋友嚟，就係咁咋嘛，先唔會食咗佢哋呀。」
Q：「我知吖，你剩係想食咗個普通朋友啫。」
我：「唉，妳咁靚女，又正又索，邊有得唔想食，不過係想啫，都住埋一齊咁耐，重唔相信我人格咩。」
Q：「一半半啦，你知自己遲下實有得食先唔急啫。」




我：「欸…無論點，呢個我就點都要多謝妳嘅。」
Q：「行先啦，你而家咁受歡迎，可能係我黐返住你。」
好似好耐無同QQ兩人郊遊遊，可惜今日係學校旅行嚟，手仔都無得掂下，假如唔係學校旅行唔知露娜會點呢，佢宣戰嘅話QQ實話送咗我畀佢…
經手兩個女仔，行完水塘一圈；由於本人太過淫賤嘅關係，水塘有幾靚也是無卵用的，無女摷下就不如返屋企瞓覺好過，橫掂屋企有得摷下QQ。
返到去燒烤區見返其他人，我同QQ又自然分開。
「果然係死人爽，咁又溫咗兩粒鐘女。」Sor，如果你哋要咁計我差唔多每一日由朝到晚都喺度溫女，呢個根本係一同零嘅問題嚟，你哋連黐埋去班女仔度都唔敢又點會有機會，你哋睇下健仔，咁咪得咗囉。
而家條友出面有女講嘢當然唔敢咁大聲，亦唔會窒我。
我：「哎，好似係你哋一早就趕我走咋喎。」
豬：「叫你出去換條女返嚟，你做咗啲乜吖？」
我：「第一，我點知人哋肯唔肯過嚟，第二，就算人哋過嚟你哋又會點，嚇親人就唔好啦。」




豬：「藉口，你就係唔做咋嘛，獨食。」
我：「你咁講，我去試下囉，你哋要好好招呼人㗎。」
的而且確，燒完嘢食，兜完個圈，大部份人都開始㞗流流喺度等放學，但而家兩點都未夠幾時先捱到四點出車…