【士㞗彈系列】《她被寄宿到鹽水男孩的家中》2K15中: K886

健：「妳又唔係唔知，有啲嘢我剩係可以同你哋講。」
Q：「點呀，係咪攪大咗人哋個肚？幫唔到你喎，落咗佢啦。」呢個QQ其實都幾明智，冷血，殘忍…
健：「唔係呀，係有啲活動上面嘅嘢，我諗唔掂，決定唔到，好驚自己會後悔。」
Q：「係乜？紀念日？聖誕party？嚴格嚟講其實你都唔係佢男朋友，煩嚟做乜，阿欣都預咗你做廢J㗎啦。」好現實，喺佢眼中我哋個個都係又窮又無諗頭嘅廢J。
健：「唔係呢啲啦，我同佢之間嘅嘢我都重處理到嘅…係就係同聖誕節有關，亦都可以算係party嚟…」
Q：「無㗎喇，點睇你都襯佢唔起，夾硬執下然後頂硬上算囉，總好過要佢自己一個或者搵其他仔去玩嘅。」
健：「唉，係呢啲就好，樣衰少少我都重承受到嘅…不過…或者你哋都聽聞過阿欣佢以前啲嘢，有班玩得好埋嘅friend，佢係好認真咁同我講嘅，話佢哋主要有兩pair搞手，一切都係由佢哋開始玩起，而其中一pair因為幾個月前分咗手，所以呢排都無乜活動，終於而家個女仔決定跟屋企人一齊移民，出年年頭就走，所以呢，決定今年聖誕搞多次盛大嘅farewell活動，而阿欣第一個同我講，叫我自己決定，而佢亦無得唔去，假如我唔去嘅話佢就乜嘢都唔會同我講。」點解，荒唐如我都有輸咗嘅感覺。
Q：「點吖，你唔去佢俾其他仔扑，你去佢都係會俾其他仔扑，就算佢同邊個去都唔會有分別，但你去就可以扑其他女，點都有so嘅，定係你見到阿欣同其他人攪會頂唔順。」老司機真係老司機，一講出嚟已經有畫面。
健：「都無得頂唔順嘅，我早就知佢同好多仔做過，至於我同其他女做…係諗緊我呢個年紀係咪唔應該參加呢啲活動。」幻想時會狗衝，但當原來變成現實嗰陣…
Q：「傻仔，如果你要返轉頭做乖仔，重應該繼續黐住阿欣咩？破處嘅願望你已經達成咗，大可以抽身當無事發生過，係你堅持要愛佢，又同佢嘅姐妹做過，你重唔走人邊有得返轉頭吖，憑你又改變唔到佢嘅，當然你可以自欺欺人眼不見為乾淨一個人過聖誕嘅，如果你想嘅話，但我覺得如果你係愛佢，係咪唔應該諗自己有乜介懷，而係佢想唔想你去呢？再者，你唔好理同阿欣嘅關係，你自己想唔想去先，咪當聖誕去開心下同其他人玩啫，人哋女仔都肯去，你係男仔嚟都唔會話有乜蝕唔蝕底。」




果然，健仔呢啲嘢係只可以搵QQ商量。
健：「好難唔想，佢啲friend個個都靚女嚟，通常重有個幾掂嘅男朋友，只不過我自己…」
Q：「頂，而家叫你去比武招親搶人條女返嚟咩，廢咪廢囉，如果你永遠覺得自己廢就唔去接觸啲好過自己嘅人，你邊有得進步，你不如唔好嚟飲茶捱麪包就算啦，學下呢條友啦，乏善可陳咪又係厚住面皮黐住班女神轉嚟轉去，嗱，唔好賴落我度呀，我係同你住咋，無迫你㗎。」