【士㞗彈系列】《她被寄宿到鹽水男孩的家中》2K15中: K887

健：「咁，女神我明喇，而家我就覆阿欣先。」
Q：「都唔知乜世界，竟然要我呢個美少女掉返轉頭嚟勸人食女，實在係罪過。」
我：「係呢，阿貞佢…會唔會去㗎？」
健：「欸，阿貞其實知道佢啲嘢嘅，亦有限度咁參與過，不過唔係幾啱玩，重有佢而家個男朋友好乖乜都唔知。」
我：「唓，十個乖嘅男仔，九個都係扮出嚟嘅。」
Q：「好過你乜都唔扮吖，係咪好掛住人哋呀，如果佢去就去埋一份，為咗將貞姐吞落肚。」
我：「乜喎，八掛下啫，呢啲咁正嘅活動點會有我份，葡萄下咪算囉，上天有好生之德想我做乖仔。」
Q：「信你至奇呀，而家乖一陣大個咗咪又走去玩。」
健：「又未必…無可能嘅，佢講過話有啲女仔friend無聊得滯都會單頭join，只要過半數人同意就得，如果你想參加或者可以將你幅大頭相畀佢哋審批下，我覺得有機會pass，不過如果你去埋…萬一到時你同阿欣攪…」
我：「唔使預我，呢啲太體力勞動，無乜氣氛。」當然，我係為咗講畀QQ聽，唔想佢覺得我好想攪其他女。




第二，我認真諗咗一秒，而家嘅我已經十分幸福，平時身邊啲女嘅互動…分分鐘勝過去參加呢啲party。
Q：「嘩，你真係講大話唔眨眼㗎喎，呃到邊個？」
我：「自欺欺人都好，總之我就唔會報名參加。」
健：「阿欣話…如果你哋呢啲一齊join，一百%有得玩。」
Q：「你…唔係同我講啲咁嘅嘢呀…我邊有咁飢渴…」
健：「無…講下啫…佢話有啲情侶最初都係拖拖拉拉，後尾就玩埋一份，感情重變好咗。」
Q：「黐線，我先唔會俾我條仔掂其他女人！」
健：「啱嘅，不過呢條友又唔係妳男朋友。」
Q：「無呀！做乜要益佢，自己去玩都重可以諗下，平時成日黐住我班姐妹已經夠乞人憎，無興趣睇佢食女。」
健：「話唔埋…佢淨係食返妳呢。」呢條友係咪傻咗。




我：「夠喇，我係好玩得，佢亦都係相對上開放嘅女仔，不過我哋一直都係互相尊重，無諗過要做越軌嘅嘢。」
健：「講就梗係咁講，但明明身邊就有個靚女…以前我都以為因為愛阿欣先有衝動，其實只要見到靚女…」
Q：「我明你因為知道我哋一齊住所以會有啲無謂嘅諗法，但我可以同你講我同佢無發生啲奇怪嘅行為，至少係暫時重未有，我當然知佢好鹹濕亦都忍得好辛苦，不過現實就係咁，我亦感謝佢對我嘅呢份尊重。」
我：「你去玩得開心啲就得，就算你再墮落，都唔會唔認你做friend嘅，唔好因為到時玩輸咗食唔到女走嚟煩住晒就得。」