【士㞗彈系列】《她被寄宿到鹽水男孩的家中》2K15中: K888

Q：「係嘅，每個人都可以有自己嘅決定，你唔係夾硬嚟或者被迫咪得囉，最緊要同你個阿欣溝通到啫。」
我：「重有…到時唔使報告賽果喇，由我過返個毒撚嘅聖誕節，我唔想新年要葡萄人哋。」
Q：「你再慘，都唔會睇住你死嘅，如果你肯求下我，都或者重可以幫你打個飛機嘅。」係真唔係呀？
健：「欸，無興趣睇你兩隻嘢花式放閃，距離聖誕一個月都唔夠，似乎我都應該要準備下…係嘞，聽聞阿康佢，同佢個愛人，已經忍唔到聖誕嘅來臨。」
我：「呢啲咁平安嘅嘢，大家知就得，唔好同我講。」
Q：「預咗㗎啦，好平常啫，男歡女愛嘅嘢。」
健：「所以先覺得你兩個唔多正常，古古怪怪咁。」
Q，我：「吹呀，你理得我哋吖。」
放咗學，大覺瞓，八點起身整嘢食加抄功課…
Q：「喂，琴晚班長佢係咪有乜進展呀？」攪笑，成日同佢一齊唔直接問佢走嚟問我都有嘅。




我：「係嘅…呀，原來琴晚團長佢無聊得滯又失驚無神上去，過咗幾招畀佢咁囉，聽日妳就會聽到成果。」將啲重點，時序好好執下，成件事聽落就順暢好多。
Q：「係呀？你哋…一齊玩到三點？四點？」
我：「乜嘢玩呀，擺明就俾女班長玩啦，打到首歌啫，做乜要迫人聽喎，團長唔會咁蠢，醒完佢就走咗。」
Q：「嗯，即係佢就負責打鼓，你就負責聽鼓。」
我：「重要幫佢錄音㗎！部電腦有晒紀錄，自己聽啦。」
Q：「錄音㩒粒制啫，其實你都幾得閒下。」
我：「妳咁望住我係乜意思？我唔係強姦犯嚟囉。」
Q：「都懶得問你，費事你迫到埋牆唯有封實個口。」
我：「哎吔，有乜特別…妳都識講男歡女愛嘅嘢，易汪嘴我咪又係咁，但同妳一樣，係絕對無上過床嘅。」
Q：「你兩個咁淫蕩，辦大事又何需床呢？」




我：「無呀！我有聽媽咪話㗎，過多排我一嘢扑濕佢先再同妳滙報等妳得啖笑啦。」
Q：「有乜好笑，我又唔係唔知佢做愛嗰陣大概係點。」幽蘭講得啱，或者佢兩隻嘢交換用其實不為過…
我：「我唔想知，無乜興趣性幻想佢呢個老司機，我覺得做細路仔開心啲…不過，好似身邊嘅人成長得好快，只係過咗幾個月咋嘛，就已經所有嘢唔同晒。」
Q：「咁好正常喎，只係你俾佢哋早咗一兩年啫。」
我：「但…又好似無乜實感，好似乜嘢嘢都其實無發生過咁，而家見返細蚊，就好似啱啱識佢嗰陣咁，中間啲事情完全人間蒸發晒。」
Q：「唔係幾好咩，人生若只如初見呀，但我都係鍾意比較低低BB嘅你，雖然我唔介意，但如果你走去瘋狂溝女食女嘅話，我會覺得你好無聊然後唔想理你。」