【士㞗彈系列】《她被寄宿到鹽水男孩的家中》2K15中: K891

我：「事實都唔講得，咁我唔出聲囉。」
Q：「你最好就淨音模式，陣間又喺度讚我最靚分分鐘累埋我。」其實係人都知Y靚唔過Q所以心中有條刺。
Y：「計我話妳淨埋佢陰就差唔多，咁先係長治久安嘅上策…呀，我到喇，多謝你哋陪我搭車，你兩個乖乖哋喇，重有唔好話我唔派兵糧…bye。」佢惜我塊面一下就落車…
其實呢，我哋三個著住校服，而佢哋又咁靚女，實在不知幾咁礙眼，只不過我已經慣咗當世界無到。
Q：「哼，都唔知你哋兩個喺度攪乜鬼。」我夠唔知啦，呢個YY分明係要玩嘢激嬲QQ先安樂。
我：「佢喺度鬼整我啫，妳又唔係唔知佢幾咁貪玩。」
Q：「既然係咁咪啱晒你囉，幾時撩人哋上床玩啫？」
我：「唔會攞，係鍾意玩，但唔可以玩出事㗎，如果我同佢真係有嘢又點會有機會俾妳睇到喎，妳都唔係唔知㗎，有時得閒無聊惜下係會開心又興奮。」
Q：「先唔得閒同你興奮呀，你返去快啲同我瞓。」無錯，其實我返到去當然想快啲同妳一齊瞓。
都唔知啲女仔呷乜鬼醋，明明自己成日同條仔塘水滾塘魚，又慫恿我去溝女，但喺佢面前同其他女相處得好又要扁嘴，唔通想我日日好似同女班長鬧大架咁咩？




星期三，女神們的秘密會議，我當然唔會咁傻豬豬自己一個走去打bridge；而因為呢次決鬥班女仔嘅關係似乎變得更緊密，各自同我更加不可告人…
真係樂得清靜，好彩契妹自從學校旅行之後都無乜點煩住我，雖然我有掛住佢娟好嘅身體。
健：『喂，你做晒功課未呀？』
我：『做唔做晒都係咁㗎啦，想打傳說？』
健：『唔係呀，重邊得閒打機吖，想做下運動。』
我：『做運動？你搵欣姐出入平安少壯揸車咪得囉。』
健：『咪玩啦，就算再曳都唔會日日做，陪我跑啦。』
我：『又攪乜呀，你都有女啦，重跑嚟做乜？』
健：『因為…呢，我唔想失禮人。』DKLMCH…
之但係，跑下對我嚟講都好嘅，平時鍛鍊多啲就唔使怕女班長嘅暴力，另外QQ亦好似鍾意身形好嘅男仔。




我：「死仔，得返廿日唔夠做到啲乜喎，阿欣叫你嘅？」
健：「唔係，我想主動啲啫，做到幾多得幾多啦。」
我：「跑再多嘅步，你都是唔會變靚仔咗的。」
健：「我鬼唔知咩，但到時…唔止睇樣㗎嘛，身形都好重要，體能都好重要。」條友真係開始黐黐地線。