【士㞗彈系列】《她被寄宿到鹽水男孩的家中》2K15中: K897

如果我有勇氣做返一個真正嘅仆街，或者可以叫細蚊同我地下情先直至到QQ肯接受我為止，再仆街啲就將同一個邏輯應用埋落契妹身上…然而我呢個懦夫就梗係乖乖送佢歸家，否則一早冒死玩到天王星噴水啦。
星期四，重有一個禮拜零一日就到決鬥嘅日子；其實又唔太關我事嘅，但成班靚女想我存在實在不忍拒絕，對我嚟講最大嘅損失就係做少咗gym感覺月費又貴咗。
Q：「喂，你好同我醒醒定定，每一個run都錄低佢呀。」無錯，女班長已經去到唔使人就嘅地步，剩返嘅就係音樂感覺，現場表現呢啲我完全唔識嘅嘢。
Y：「死人團長過唔過嚟聽下呀？我哋perform到成首歌喇。」有時覺得佢係想搵團長玩多啲。
A：「乜呀，啱啱CCTV聽完，妳哋繼續就得。」無錯，由於佢哋已經唔係分開練，所以直出現場AMP。
我就覺得，團長要嚟就嚟，唔嚟就唔嚟，反正佢就係有方法得到佢想要嘅結果，唔輪到YY多心。
望住佢哋努力，我實在有啲自慚形穢，雖然我都有好專心去做mixing，試圖去搵一個舒服嘅平衡出嚟，而佢哋都會聽返每一次嘅效果，同埋各自嘅表現。
Y：「哎哎，差唔多喇，我哋係時候要唱埋喇，陣間如果唱衰咗，彈得有幾好都無用。」
Q：「咁呀，叉仔播返原聲出嚟左聲道畀我哋跟唱先，右聲道就做vocal feedback。」有錢真係好緊要，乜都可以用技術壓制，聽聞一對耳道監聽已經要成皮。
U：「吓…咁咪要俾呢個死仔包聽我唱歌。」




Y：「喂，妳到時要唱畀全校人聽添呀，同埋，我哋五條vocal都要再俾佢mix入去，佢點都要試聽先㗎喇。」
U：「我有啲緊張，可唔可以我哋自己練下先？」每個人都有佢嘅死穴，第一次見到天王星係會咁縮沙。
我就當然周身死穴啦，正如以前最憎視藝堂要畫畫，不過自從我說服到自己啲靈魂畫作有畢加索七成水準嗰陣，就放開咗隨意發揮就算，同QQ啲家政可謂一撚樣。
V：「唔使怕喎，一開始當讀稿咁就得㗎喇，最重要係入得啱timing，同埋夾返個聲量。」喺外星人女孩嘅眼中，乜都係好簡單，正如physics都有教，timing，phasing，frequency，amplitude都搵晒出嚟就得，然而我連啲符號都未搞清楚…
我：「臭閪，話晒我而家都算係妳生平入面最親密嘅一個異性，驚乜撚喎。」我決定咬佢耳仔。
U：「你試下再講吖，困你落地牢要你成世做我性奴永遠無得見女神。」佢又咬返我耳仔。