【士㞗彈系列】《她被寄宿到鹽水男孩的家中》2K15中: K898

V：「吖，呢兩個人真係古古怪怪咁。」
Y：「無辦法啦，話晒最後呢個月，他仍是她的東西。」
V：「係嘅，咁下年佢又會變成誰的東西呢？」
Q：「唔好望住我，佢有人認咗頭㗎喇，樂得清靜。」
Y：「我借嚟用下㗎咋，基本上佢已經無晒價值。」
V：「唔使爭啦，等我幫佢整張借書卡咁嘅嘢，妳哋要用咪嘟走佢囉，每次可以借七日。」妳哋當我係乜…
搞完一大輪啲器材，佢哋開始試音，QQ講過話玩開樂器嘅女仔唱歌通常唔會差得去邊，因為把口其實都係樂器嘅一種，我心諗講咗咁多年嘢又唔見我識玩任何一種樂器…
女班長表現當然係最差嘅一個，佢哋執來執去盡量將啲易唱同比較低音嘅位交畀佢，減少solo嘅部份咁，玩完一大輪就再加埋樂器演出，等於要天王星再食多行notes，結果唔使估都知係㪐㪐㩿㩿，差唔多要由頭練過。
學男班長話齋，兩個幾月做到啲乜？而且佢係用旁門左道夾硬嚟，並唔係由基礎學習音樂。
U：「喂！你做乜跟埋我落車？」佢呆咗，而車廂入面嗰三個都呆咗，話時話，我本身就唔應該搭啡色線。




因為同咁多條靚女一齊搭地鐵，會真的好興奮。
我：「無呀，成日送佢哋落車，咪送下妳返屋企囉，當支持下。」當然我唔會考慮何文田呢個選項。
U：「古古怪怪咁，警告你呀，唔好對我亂嚟。」
我：「第一，如果要對妳亂嚟，我諗首先要大打一場，第二，真係要對妳亂嚟嘅話一早亂嚟咗，第三，呢度大街大巷，好心妳就唔好咁多性幻想。」
U：「你鍾意，我而家好煩，唔好諗住會對你做啲乜。」
我：「從來無期待過囉好唔好，要嗰啲嘢我去搵EX唔好？」慚愧地係我琴日先同細蚊玩完嚟。
U：「點知你，Queenie話你個腦六成以上時間都係喺度諗嗰啲嘢。」最初好似話九成㗎？睇嚟貼近現實咗。
我：「諗還諗，做還做，是唔同的，就算我而家知道抽下妳水，偷惜下妳唔會有乜嚴重後果，我有無咁做呀？」
U：「乜無後果，分明係你唔想同我喺條街度比武。」
我：「先唔會夾硬嚟呀，妳哋係好靚女，我好想要，但我覺得妳哋開心先係最緊要㗎，其實妳臨走嗰陣已經唱得好咗㗎喇，佔五份一唔夠啫，觀眾都未必會分到。」




U：「唔得咁呀，我唔想累咗佢哋呀。」明明係妳自己一開始嘅野蠻任性，攪到全世界要幫妳助攻，重好意思喺度講乜累唔累人，本來我呢個鐘數應該喺gym沖緊無限熱水涼…