【士㞗彈系列】《她被寄宿到鹽水男孩的家中》2K15中: K900

我：「嗯，我覺得妳都好獨立，又成熟。」
Q：「呢個就係你掉低我嘅理由嚟喇咩？重要借啲意串我老司機添！」佢靠到好埋，似想咬我多過惜。
我：「無咗我，重有易汪陪妳吖嘛。」
Q：「陪佢個頭！佢分明係阻住我返屋企，我唔係住九龍站上蓋㗎喇，知唔知我奧運返嚟重遠過鑽石山返嚟！重要得返我自己一個人。」記住九龍站上蓋係一個五字詞語。
我：「都無辦法㗎，如果我次次死跟住妳都怪啦，雖然我哋係好熟啫，妳咁大個女一個人無問題嘅。」
Q：「邊係喎，無咗你嘅話我就真係無家可歸喇。」諗返都覺得神奇，我竟然可以同佢相安無事住咗咁耐。
重要日日喺我面前除校服，著T，拆Bra，得條底底走嚟走去，雖然冬天嘅話就無咁多福利。
星期五，班女要顧返自己樂器組嘅演出，一放學就唔見晒人，畢竟佢哋除咗夾band重有自己本業，而幽蘭就去埋八掛，跟住健仔要去踢波，睇嚟我終於有晏覺好瞓。
U：「你重喺度怐下怐下？快啲鎖門啦。」一諗到我重有廿日就可以解脫，實在好不開心。
我：「唔使妳教，咪就係喺度等緊妳走咋嘛。」




U：「咪走囉，等緊你鎖門一齊去band房咋嘛。」
我：「吓…今日唔係練band日嚟㗎喎，又去？」
U：「有得去咪去，團長話四至七呢段時間有空檔。」
我：「我都明白妳想爭取時間練習，但都唔使日日…」
U：「嗱，你唔好咁多聲氣，我已經放棄咗社嘅例會同埋排球練習，而你就好得閒，而且跟住你返工又啱啱好。」
我：「唓，妳唔俾我約咗女嘅咩，點知我好得閒？」
U：「約咗邊個吖，Q定Y？我幫你取消，橫掂佢哋都唔得閒，加上我都係女嚟。」邊有女咁霸道㗎…
落到去操場佢又停咗喺度，唔知喺度等啲乜咁。
我：「又話爭取時間練習，做乜喺度等運到？」
U：「因為我搵咗人教我唱歌呀，所以要等埋佢。」




我：「今日妳班姐妹全部唔得閒喎，搵咗邊個呀？」
U：「唉，佢哋個個都係天才嚟，教唔識我㗎喇。」
又好似係，明明成大班玩開樂器，但就得團長先知問題嘅核心所在，重可以好簡單諗到解決辦法；所以呢，左擁右抱呢個困擾男人嘅千古難題亦不是問題。
豬：「哎，行得喇。」佢個樣似係淋完花嚟。
我：「吓…你…去教佢唱歌？」唔通係農夫嚟？
豬：「有乜問題，我唔可以識唱歌㗎咩？」
我：「失敬失敬，我以為你淨係得種菜呢個專長。」
豬：「玩嘢呀，我年年都有玩音樂日㗎，你聽唔到咩？」
諗返起…我中一坐喺禮堂瞓咗全日，中二借尿遁走咗去課室瞓咗成個晏晝咁滯，中三就只係不停諗住想屌爆細蚊，至於台上面邊個唱緊歌呢…有啲好笑嘅大組會聽下嘅。