【士㞗彈系列】《她被寄宿到鹽水男孩的家中》2K15中: K904

豬：「見到你呢條毒撚先係最撚令人火滾嘅事…唔講喇，難得有set電子鼓喺度，等我又玩下先。」
我：「你唔止識唱歌，連鼓都識打㗎？」
豬：「唔識㗎，過去求祈敲幾下咋嘛。」我都覺得電子鼓應該係最好玩嘅，不過次次嚟到都俾班長霸住咗。
望住條肥仔敲敲敲，隻腳就一路踩，實在似模似樣喎，但其實我就乜撚都聽唔到嘅，因為set咗耳機出聲。
我：「你咁樣唔係叫識打鼓係乜？」
豬：「妖，你乜叉都唔識就梗係咁講啦，我係記得嗰啲所謂嘅rock and roll pattern咋，咁你係咪識得背乘數表就走去考DSE呀？」
我：「唔係嘅，但總好過連乘數表都唔識背就考吖，呀，我諗我會選擇帶Cal去考緊要啲。」
U：「啊，原來你又鍾意打鼓㗎？」
豬：「唔係呀，見有咪試下囉，起碼唔會好似真鼓咁嘈住人先。」
U：「嘻嘻，等我破例表演一次畀你睇吖。」我諗女神奏樂係有好多人想睇嘅，但同QQ住，成日陪佢哋喺度練，再睇已經無乜感覺。




天王星基本上已經可以百份百咁打啱晒個譜，連音樂感都好咗好多，但係人都知只要一換第二首歌就會炒粉。
當然肥豬就望到呆咗，絕對唔係因為美色因素。
豬：「原來…係咁樣令到妳識打鼓，睇嚟真係有好多人幫緊妳哋手喎。」人唔使多，團長一個就夠。
U：「嗱，你唔好同其他人講呀，雖然音樂日就無規則限制唔准咁做，同埋到時我一定會好好演出，所以…你一定要救埋我嗰幾句歌詞呀！」
豬：「哎唷，又唔係得妳唱，同埋妳哋有耳返加掛耳mic已經好過份，只要唔出大錯已經贏咗七成啦。」
我：「呀！我諗到喇，其實戴咗耳返係咪即係好似對鏡化妝咁？」重記得嗰次QQ live叫我死條直出線畀佢…
U：「係呀！我啱啱都get到呢個感覺呀。」
豬：「服咗你哋，其實妳本來就唔應該鬥埋呢啲嘢。」
U：「你理得我吖！總之你就要幫我手贏個契弟！」
天王星就…都係咁啦，肥豬再講解多陣就差唔多七點，我哋三個好平常咁就地解散，佢搭啡色線，我同肥豬就搭綠色線，返到屋企去到返工時間仍然無Q，可能重練緊樂器？又或者同Y行緊街？幽蘭似乎唔會陪佢癲到咁夜。




星期六一起身，見到一行QQ send嚟嘅訊息。
Q：『傻XX，我哋要返學校準備，無咁快返嚟，如果你悶嘅話…就溫下書啦，就算你落嚟都唔得閒理你。』見到佢咁嗌我，諗緊會唔會想話係傻閪閪…