【士㞗彈系列】《她被寄宿到鹽水男孩的家中》2K15中: K950

健：「淨係識得話我綠，你自己咪更加M底，成日睇住佢去拍拖，都重可以咁死心塌地嘅。」
我：「數唔係咁計，條仔係佢原本就有嘅，而佢喺度住又唔會帶埋條仔嚟，反正同佢住本身已經係一件開心嘅事嚟，唔一定要發展啲乜嘢感情關係嘅。」我都認情感上對佢係幾痴心嘅，不過講到男女之事呢，我有得性騷擾下易汪都夠打和有突啦，重邊理得啲淫妹去送外賣畀人中出。
健：「你嘅事就你鍾意啦，不過今晚，你應該得閒陪我做下運動㗎。」呢啲仆街做運動係為咗嗰啲運動…
我：「做，做囉，但你快啲食埋啖飯先，我約咗佢哋早少少返去有嘢搞。」
除咗準備當值嘅Zilvia之外，我哋五個去到band房門口。
U：「屌，日撚日喺度angel smile，到底佢哋悶唔悶㗎！」有口話人其之一，妳哋咪又係日日練同一首歌，有乜悶唔悶可言，只不過妳哋唱㗎文我聽唔明啫，無口話自己其之二，佢好應該捉自己爆粗再摘埋名。
Y：「冷靜啲啦，重有幾日就係喇，佢哋日日喺度練都正常，無得怪人㗎喎。」
U：「重有五分鐘就上堂喇，使唔使chur到咁脗？」
V：「或者…妳可以返課室先，我哋自己嚟就得，咁妳可以避免同佢交手。」
U：「點得，話明決鬥，做乜要整到好似我驚咗佢咁？」攪到天王星撞地球咁為乜，明明兩個班長重要坐隔籬。




Q：「是但啦，佢哋總會走，我哋都係做自己嘢啫，下堂係中文堂，遲少少返去又唔使死。」
V：「係呀，有科長喺度，可以幫我哋解釋。」有班長喺度添…其實啲先生都買妳哋幾個怕㗎啦。
慕：「二…咦，係妳哋幾位，咁齊人嘅？」
易：「乜咁錯蕩呀，見妳哋從來唔使卜band房，唔係屋企入面有嘅咩？做乜要走過嚟嘅？」
U：「先唔同你哋爭，費事話我哋影響你哋表現。」
Y：「嚟睇下器材，度下位都要呀？快啲返去上堂啦。」
易：「哎唷，重以為妳哋有套私家鼓運嚟…」男班長都唔想同班女嘈，所以用手踭撞一撞條契弟叫佢收嗲。
講真以幽蘭屋企財力，莫講話一套爵士鼓，就連成隊管弦樂嘅樂器都可以安排到啦。
慕：「咁就請便，後日再決一高下…」
O：「幾位靚女，到時請多多指教喇喎。」




G：「放心，套鼓妳哋想點set都得，我到時可以適應返，不過呢…我係絕對唔會留力㗎。」
V：「乜係呀，咁唔知可唔可以放個snare喺右邊呢？」有啲時候幽蘭係會自然串，或者咁所以團長就標籤佢。
G：「呢個…又未免太極端呀？」有幾？左右掉轉啫。
Y：「有幾極端呀，我深信我哋嘅幽蘭係彈到左手琴。」
V：「未試過，易嘅譜應該OK，點都輕鬆過左手提琴。」