【士㞗彈系列】《她被寄宿到鹽水男孩的家中》2K15中: K951

慕：「妳哋快啲度啦…我哋閃先。」
或者唔同班無咁熟嘅關係，Oli哥同Greg哥似乎係好人少少易啲相處嘅。
V：「嗱！由左至右藍色，藍色，黃色，綠色，紅色，紫色，藍色，呢兩個無用到時掉咗佢。」當然唔係眼前呢套鼓五顏六色，而係班長睇開個譜係每行有唔同顏色，對音樂白癡嘅我哋嚟講自然會叫佢做黃色鼓咁…
Y：「交叉仔，你過嚟睇下啲stand點樣較高低，到時要你快速修正，重有個真bass係闊少少嘅，盡量褪到紅綠紫色要啱位。」不外乎都係扭扭轉轉咁。
Q：「攞對棍試幾下啦，手感差唔多嘅啫。」
「嘭！」屌…我喺度扭緊個tom，死人天王星一嘢踩落個bass度，係咪想我呢世再無機會聽綠袖子？
搞咗五分鐘，學識每一個鼓點樣set高低，而班長亦都由左至右，又由右去返左打咗幾次，我諗佢適應到嘅，畢竟打空手道啲對手係會郁嘅，如果佢會因為個鼓乜咗少少就打空氣嘅話，正一廢閪，殆矣。
咦，條廢閪今日著淺藍色心心圖案底底喎…呵，換咗冬季就唔著底裙，抵妳個衰妹俾我打穿。
Y：「仆街仔！你做乜喺度昅Uranus裙底？！」嘩！屌！
U：「吖吖！」佢即刻兩隻腳夾返實。




我：「乜…乜喎，咁我較鼓係要踎喺呢個位㗎啦。」
Y：「我理得你喺度煲飯吖，唔等於你可以䚎人裙底喎。」
我：「妳覺得我䚎啫，唔等於我真係有䚎㗎喎。」
Y：「哼，我份人好公道，你隻眼停少過零點兩秒我就唔計數，你頭先起碼望咗半秒有多。」死人YY明玩嘢啫。
Q：「你憑良心答我，天王星而家著緊乜嘢款式底底？」
我：「淺藍色底色…藍色心心圖案…」
U：「吖…無喇…我嘅第一次裙底失守…」個個女神都係大話精嚟，明明我已經睇過好幾次，重喺度面紅添…
V：「聽茜旎講就聽得多，終於第一次見識到你咁鹹濕，好可惜受害者唔係我，睇嚟你會俾人打死。」
Y：「唔使畀面我，妳隨便處置佢就得，就算報上訓導我都唔反對，可以幫埋妳做證人。」
Q：「唉，真羞家，要兵糧咪搵娘娘囉，何必呢？」




Y：「重好講，肯定係妳長期餓壞佢先攪成咁。」
我：「我…對唔住…幾位女神…願意接受任何懲罰。」屌，呢度有邊條女平時唔係同我攬攬惜惜，何解我會獲得呢個悲慘嘅下場？
U：「返去上堂先啦，佢嘅事…遲啲先再處置。」
頂妳哋幾對肺，遲早有一日我會頂唔順爆晒妳哋大鑊，橫掂我個樣都唔似會溝到QQ，咁以後就可以肆無忌憚隨便攪妳哋。又或者，妳哋可以合作出賣色相嚟整死我，奉獻條命畀妳哋四個都OK嘅。