【士㞗彈系列】《她被寄宿到鹽水男孩的家中》2K15中: K961

U：「底褲咋嘛，又唔係未睇過，有乜好嬲？」佢一路講重要一路揭起自己條裙，今日係藍白色格仔…
我：「喂，妳真係唔驚突然有人返到嚟㗎喎。」
U：「驚㗎，屈你威脅我囉。」有邊個會信…
我：「但又真係估唔到，妳會咁快就睇得開。」
U：「嗯…其實無乜嘢嘅，至少你又唔會真係攪我，如果你唔肯放過我嘅話一早無咗啦，諗多兩諗男仔同女仔玩好正常啫，只不過平時唔會攞出嚟講，同埋你唔係我鍾意嘅人，不過呀，就算Queenie同易汪有仔咪又係同你惜惜，咁我單身就更加平常啦，鍾意做乜就做乜。」
我：「換言之，我可以隨時走埋嚟揭起妳條裙？」
U：「梗係唔得啦，呢啲叫無聊，但如果你係做啲可以令我開心嘅事就有得商量嘅。」女人真係夠晒矛盾，試下俾我綁起妳出入出入再注入，保證你開心到昇天飆眼水。
我：「當妳同鍾意嘅人一齊嗰陣就會覺得係情趣嚟㗎喇，妳放心啦，我同女仔相處得多，做乜都會照顧妳感受。」
U：「你識做就得啦，但係…你嗰兩個娘娘點樣？」
我：「佢哋…理唔得咁多喇，不過無乜所謂嘅，不朽都知我會昅女㗎啦，反而係妳要繼續嬲我先，要好似我睇晒妳gap gap再摷埋入去嗰隻嬲。」




U：「再講吖嗱，堅嬲㗎！」
我：「啱喇，保持住而家個樣，板起塊面坐喺我後面啦。」其實同佢練空手道個樣一撚樣，明明武術係一種運動嚟，點解出拳起腳時要成副食咗我嘅樣？咁打乒乓波同鷹都識玩嘅運動嗰啲係咪要將個波吞落肚咁款。
U：「係呢，你會唔會整整下變咗鍾意易汪…」佢無得再問落去，因為QQ啱啱返到嚟。
Q：「早晨，兩位唔好鬧架喇，好在我返嚟睇住你哋先，萬一整傷咗就唔係幾好啦。」
我：「如果唔係我夠硬淨，早就攤咗喺佢個道場度喇。」
U：「唔好話你廢，男人老狗驚同女仔練拳。」
易汪，當然有佢獨特嘅魅力，如果同佢唔熟或者會覺得佢同QQ相似，一樣有仔，一樣人細鬼大，但佢無QQ咁可愛同古靈精怪，相反換咗堆好黐線嘅特質，亦比較知性同老練，樣同身材喺QQ面前就永遠係A-，但一望入去…鍾意嘅會好鍾意囉。可能由於我哋認識嘅過程令我無話特別鍾意佢，但我唔會話接受唔到同個咁嘅女仔一齊囉，人哋好歹都係女神嚟，不過最重要一點，而家我認為鍾意一個女仔嘅先決條件係佢要嚟同我一齊住先，而暫時又無多個女仔嚟同我一齊住，所以QQ係無敵嘅，應該係咁？