【士㞗彈系列】《她被寄宿到鹽水男孩的家中》2K15中: K962

坦白講，如果我同天王星一齊住肯定極速出事，呢個未經人事嘅妹妹邊似得QQ同YY咁識得保護自己身體，而我嘅淫慾度係絕對唔會屈服喺佢嘅武力值之下，只會變乾柴烈火，土崩瓦解，金石為開，繼而水到渠成，木已成舟。
嗯，應該係好老婆嚟嘅，至少望落專一過QQ先。
今日，佢哋仍然要扮嬲我，是但啦。
到咗放學，班姐妹當然知道QQ要去瘟仔，而Zilvia就留喺學校幫手初賽同埋做照應，啲安排夠晒複雜。
V：「上車啦，罪人。」幽蘭呢個戲精…唔識講。
我坐車頭當然係常識，三個女仔就喺後面吱吱唚咁，計我話幽蘭要再upgrade架車整到中排可以反轉坐，同埋有張枱仔喺中間先啱，你哋可以想象成巴士下層啲對坐位中間放咗架買餸車狀態嘅豪華版。
間band房已經變咗我哋相處嘅老地方，雖然可能係最後一次…天王星上到去就即刻埋位電子鼓，開住細細聲望住部notebook嚟打，另外兩個就懶懶閒望住，啱嘅，個樽頸唔喺佢兩個度，再練嘅進步空間唔會有幾多。
Y：「喂，趁Queenie唔喺度問下你，其實你係咪鍾意女班長唧？」佢神態自若咁講啲嚇死我哋兩個嘅嘢。
U：「咪亂噏啦，我使鬼佢鍾意我呀！」
Y：「呢個唔係使同唔使嘅問題，就算無需要一樣會收到情書，呢條友夠膽死喺Queenie面前䚎妳裙底，唔係對妳有意思嘅話，唔通係活得唔耐煩想早啲死？」




我：「我咪認咗錯囉，係我曳，同鍾唔鍾意無乜關係…」
Y：「我都知你鹹濕到係女嘅底褲都想昅，但問題係你女神在場㗎喎，唔驚激嬲人哋嘅咩？」
我：「一時忍唔住，就唔會諗到咁多嘢…先睹為快嘛。」
U：「你個仆街食屎啦，咁鍾意Queenie就去䚎佢，唔好走嚟性騷擾我，音樂日之後實好好修理你。」
V：「但係如果佢鍾意茜旎嘅話唔係更加唔應該昅佢咩，俾佢發現咗容乜易反面絕交㗎？」
Y：「邊有咁易呀，呢兩隻嘢都人細鬼大平時唔知做乜…」
U：「又唔見妳話返自己嘅？喺佢面前嘴落呢條友度，就唔驚激嬲佢或者攪到反面。」
Y：「佢唔會啦，擺明知我玩嘢，我係嚟幫佢㗎咋，如果Queenie會嬲即係呷醋，即係都鍾意佢，我實推返個傻仔送畀佢㗎喎，不過佢又無乜反應。」
V：「但…佢咪又喺條街度攬住EX，而茜旎都有仔嘅。」
Y：「妳未拍過拖唔明㗎喇，其實男女朋友呢啲好閒㗎咋，只要有另一個鍾意嘅人就會乜都唔記得晒，而且以茜旎嘅德性，就算唔鍾意佢都會想佢乖乖地完全聽話。」




U：「咁妳又想唔想佢聽晒妳話？」