【士㞗彈系列】《她被寄宿到鹽水男孩的家中》2K15中: K963

Y：「雖然我就唔主動收兵嘅，但佢既然出現咗我亦都唔拘，不過好明顯係佢絕對唔會聽我話，而且做兵亦貢獻唔到啲乜嘢，名副其實嘅無鬼用，除咗鹹濕就一無是處。」
V：「妳呢個描述…其實就同當初茜旎介紹嘅差唔多。」
Y：「如果要搬搬抬抬，或者妳想有條仔攞喺手玩下嘅話都可以搵佢嘅。」個變態一路講一路搣我塊面。
V：「咁樣好似好慘咁…如果你識揸車，或者水電，裝修就可以嚟我屋企幫手，做下管家個替工，又或者識會計，倉管呢啲就可以請你嚟我屋企間公司。」
Y：「問題係而家佢無一樣係識吖嘛，而且佢重要聽晒呢個女人話先啱。」即係女班長。
U：「講呢啲，今年就完喇，而且如妳所言佢真係唔多聽話，又會唔知醒開門，Queenie同Zilvia幫佢開嘅次數重多過佢自己開…」
Y：「既然今年就完，係咪應該要更加好運用妳嘅話事權，唔好蝕畀呢個死人頭，妳已經蝕咗條裙底畀佢。」
U：「妳重講！但佢又實在無乜用，唔通打佢一身咩？」
我：「其實嚴格嚟講，每次同妳練空手道嗰陣就係俾妳打一身。」知唔知萬一擋唔到嗰下係有幾鬼咁痛…
Y：「其實係咪佢叫你做乜你都會做先？」




我：「力所能及啦…講真妳哋叫我幫手幾時有托手踭？」
Y：「如果要你喺度裸跑十個圈呢？」出色嘅變態女…我咁黐線梗係無有怕，問題係另外兩個女仔。
我：「裸跑…確實係唔難，我亦唔係話有啲乜唔畀得妳哋睇，只不過對佢哋會唔會唔係幾好，而對妳又無益處嘅，最大問題係呢度有Cam唔知會唔會有其他人睇到。」
Y：「乜你個變態驚㗎咩？睇人條底褲嗰陣有無諗下佢想唔想俾你睇？係無益㗎，但睇你肉酸囉，過癮囉，你睇完人哋條底褲又有乜益，睇唔睇到入面？」妳個好姐妹吖，係要句句都刺激住天王星，做到朋友實在服咗妳哋。
U：「又唔係靚仔，又唔係大隻，無興趣睇住抽鶻突嘢喺度走嚟走去。」
V：「個人嚟講認為非禮勿視，但如果有人裸跑的確係幾刺激有趣嘅，不過無論點都好，我聽班長話。」
我：「我係畀唔到錢同送唔到禮物畀妳哋，但就算係咁妳都諗啲比較有貢獻嘅idea出嚟吖…」
Y：「咁…不如一陣Queenie返到嚟，你就即刻抱實佢再推落梳化，然後用你嘅方法嚟非禮佢。」
我：「傻嘅咩！都話有cam咯，同埋會傷害Queenie…應該話會傷害到其他人嘅指令我都唔會做。」
Y：「你點知會傷害佢，可能佢受呢？」我唔太清楚當我唔在場時佢哋係點溝通，但另外兩個就瞪大眼望實佢。




我：「呢個機會微乎其微囉好唔好，重要喺妳哋面前…」
Y：「未必㗎喎，佢惜你都肯，點解唔可以掉轉？」
我：「妳夠惜我啦，我會唔會而家㩒低妳嚟攪呀？」