【士㞗彈系列】《她被寄宿到鹽水男孩的家中》2K15中: K972

我：「其實…係呢兩箱嘢好鬼死重，想放低抖下先。」
Y：「OK呀，知你想人陪，唔想我哋劈低你，唔爭在連我都等埋你啦，我對隻兵咁好。」呢條女明玩嘢。
趕佢走係一種必然，而方法係一種難題嚟。
我：「唔使啦，我真係突然之間諗起啲嘢想同佢講。」
Y：「乜我唔聽得嘅咩，唔通你要同佢表白？」
我：「咪玩啦…我當妳兩個有夫之婦朋友嚟㗎咋，表乜鬼白。」
Y：「唔係表白就更神奇，究竟有乜係我呢個娘娘唔知得嘅呢？」佢一副扮可愛咁嘅樣令人勁想打扁佢屁股。
Q：「係囉，我都唔知佢想點…有啲驚。」
Y：「喂，你係咪想趁我唔喺度就曳，要非禮佢？」
我：「乜妳認為我係咁嘅人嚟㗎咩，我係鹹濕啫，唔等於會做啲令妳哋討厭我嘅嘢㗎喎…無呀，見今晚最後一次過嚟，之前又送得多妳返屋企，今次諗住到佢啫…」




Y：「咁點解唔一齊行，你搭多一個站咪得。」
我：「咁樣…變成妳哋喺度謦欬，唔係我送佢返屋企。」
Y：「做乜咁想獨處，唔通女神佢有乜著數派畀你？」
我：「無呀…妳喺度…就算佢攰都唔敢挨住我膊頭瞓啦。」
Y：「唔緊要㗎喎，就算我喺度妳都可以挨住佢瞓。」
Q：「關乜嘢事，係我間唔中攰得滯啫。」
我：「所以…妳喺度就唔好意思啦，唔通我唔理妳咩。」
Y：「唔使理我㗎，你係有兩個膊頭，分別左邊同右邊。」
我：「其實…得個膊頭唔夠㗎，條頸同下巴都要較啱角度對啱位先會舒服。」
Y：「嘩，原來你兩個已經咁親密㗎喇？咪住先，瞓到咁樣分分鐘會俾你打穿個衫領睇到個Bra㗎喎。」




Q：「我識咗佢好耐，唔太擔心佢啲行為嘅，至少我點樣瞓都唔會離罩先。」
Y：「唉，呢隻兵，總之小心啲啦，我派唔夠糧畀佢，其實佢好需要的，唔想妳要代我受罪。」
Q：「OK嘅，我識保護自己，除對襪畀佢玩就夠安撫佢。」點解QQ好似知道YY曾經做過嘅衰嘢咁…
Y：「係喎，聽朝妳重要搬部keyboard返學校，使唔使我過嚟幫手？」呢個女人唔整死我哋唔安樂咁。
Q：「唔使喇，其實早兩日…我已經叫佢抬咗返去放住先，所以佢聽朝會搬埋返去學校。」
Y：「嘩，妳真係捨得，小心啲制變到黐納納，啲黑制連埋白制一齊郁呀。」
Q：「放心，佢邊敢，唔係剩係妳識帶兵嘅…如果佢重希望接收我嗰啲著到殘晒嘅底褲嘅話。」
Y：「知妳叻喇，玩仔邊夠妳嚟吖，唔阻住你兩個纏綿，咁…瀨尿叉我哋嚟個goodbye kiss先。」佢唔係問我，而係夾硬嘴咗上嚟，濕滴滴嗰隻，就喺QQ嘅面前。