【士㞗彈系列】《她被寄宿到鹽水男孩的家中》2K15中: K974

我：「講真，就算妳輸咗我覺得都係攞嚟賤，就好似當初係要迫我同妳決戰咁，但萬一妳輸咗就連埋佢哋幾個都會唔好受，所以我先略盡綿力，如果你想事後多謝我，大可以用正確嘅方法補償我。」
U：「明明你個樣咁正經，但我就睇到你成個腦入面都係裝住啲衰嘢，不過你搵錯人啦，一開始我就無諗住要搵你幫，係易汪嘅主意嚟，你搵返娘娘啦。」
我：「妳鍾意點諗係妳嘅事，要知道我陣間扭錯兩下妳哋隨時就會由贏變做輸。」
U：「我無迫你幫我，但如果你攪事害我嘅話，我事後實好好奬勵你，隻手浸完辣椒油再幫你打飛機。」
我：「三小辣好喇，太刺激我會受唔住。」
U：「三小辣加一蚊，大辣又係加一蚊，我點會俾你條契弟蝕呢？」佢搦起隻手做套弄嘅動作，淫得佢吖。
老實講，三小辣可能幾刺激嘅，大辣睇怕會直接喺度掙扎，畢竟我覺得以前同大卡車玩驅風油嘅體驗係唔錯。
最大問題，係我肯定呢條女一定唔識幫人打飛機，就算佢自己都無得打潛艇啦，最多咪喺水簾洞口度磨豆漿…
返到去QQ喺度吹緊頭同化淡妝，而我亦唔得閒理佢，右手攞琴袋左手攞琴架，全副武裝狙擊手咁嘅架勢。
V：「哎吔！又唔係重，我自己攞上去咪得囉！」




管：「兩個喼咁大，一個人攞晒好辛苦㗎，我幫妳送上去禮堂啦。」幽蘭架車喺度落緊貨。
V：「都話唔使咯！最多咪分兩次！」
我：「乜咁啱呀…兩位早晨。」
V：「嗱，而家咪有人幫囉，都話唔使你。」
我：「可以…但係妳都要等我入去放低啲嘢先。」
Z：「早晨，你哋做乜咁多人企晒喺學校門口？」
最後，Zilvia就幫手攞緊一個喼返課室，其實唔輕鬆㗎，因為我哋係要行樓梯，如果得我一個就話偷偷搭（車立）啫，俾啲風紀隊長知道我教壞佢啲好姐妹實鬧死都似。
萬事俱備，只欠東風，畫完眼線加彩粉嘅QQ都返到嚟。
幽蘭就搽咗櫻紅色嘅唇膏，已經好好睇。
Y：「早知琴日要你幫我攞緊部返去，頭先成架MTR啲人都喺度望住我。」佢兩邊膊頭各孭住一個小提琴盒，名副其實嘅雙刀流，其實無乜特別啫，兩部小嘅提琴都比唔上一部大嘅咁礙眼啦。




幽蘭就孭住部Fender，而Zilvia嗰部就喺band房借嘅。
呢幾條女夠晒大陣仗，當然成為咗全班嘅焦點。
我：「咁呢兩大個行李箱係乜嚟㗎？」大到藏屍嗰隻。
V：「咪我哋啲衫嚟囉。」原來係咁。
Q：「瀨尿叉，幫我哋看住啲嘢先，我哋幾個要去幫手set場，陣間嗌大咪去禮堂就幫手運啲嘢去後台。」
當三個靚女行出去嗰陣，兩個契弟亦從容不迫咁返到嚟，一人孭住一部電結他，sor，Louis嗰部係bass先啱，不過我從外觀根本唔識分辨兩者。