【士㞗彈系列】《她被寄宿到鹽水男孩的家中》2K15中: K982

V：「無呀，贏咗之後今晚先食好嘢啦。」有時…雖然佢睇落無乜嘢，但可能唔多唔少遺傳咗啲屋企嘅專制。
就唔信天下間無歌手唱歌前會食炸雞，總有人刀槍不入。
健：「咁我跟佢得喇，呢條友咁識食…」
Q：「唔好顧住喺度玩呀，記住你嘅責任係啲乜。」
然後啲女神就行開咗，我再望一望原來K姐佢哋同Mythology食，都正常嘅，而契妹就偷望咗我一下，好似有啲唔情願咁。雖然喺我眼中佢哋唔係啲乜嘢好仔，但睇落都叫正常有餘，四男四女分配唔係幾好咩？加埋八個人唔使做九男女。
於是，我同健仔推咗佢哋兩個喼上後台度坐。
計我話，現實世界係唔似得小說咁，雖然衰人一樣咁多，但選擇鋌而走險，偷偷走嚟鎅爛佢哋啲衫，扭鬆啲弦，又或者直頭偷走啲用品嘅人係唔多嘅，因為世界上係有好多無聊人走來走去，學生會都有人唔食飯留低喺度休息。
健：「你就好，喺度坐下就有軟飯食。」
我：「家陣你無咩？重要食同我一模一樣嘅…」
健：「全靠你咋，如果有軟飯食我其實接受到。」




我：「係咪嫌欣姐無得畀你食？溝過第二個有錢女囉。」
健：「佢有能力畀我食嘅，我又無你咁大貪，不過佢唔會肯，佢話肯同我扑嘢係因為我硬，如果我廢嘅話絕對唔會同我一齊，所以JUPAS一take入U係基本條件…」
我：「超…兜過圈嚟讚自己硬都有…但佢真係請得起你食軟飯咩？」睇落佢又唔係好有錢。
健：「唔知呀，佢屋企住銅鑼灣，平平地應該得。」
我：「真係幸福，如果Queenie重住緊西九嘅話，我都會申請睇下有無得食軟飯。」
健：「乜你唔係嫌人哋得個樣，又串又扮嘢㗎咩？」
我：「我無否定，不過識耐咗，我接受到佢嘅缺點。」
健：「其實你同幽蘭咁熟，出句聲應該唔會無得食。」
我：「你可以咁講，但如果俾佢好朋友知道嘅話你估我會唔會俾人打死？重有就係佢屋企實在太有錢，黐佢餐會好無感覺。」
健：「其實隻Q有男朋友你都唔係辦法，如果你落力啲溝幽蘭嘅話會唔會有機會成功做到駙馬？」




我：「要攻陷佢嘅機會絕對唔係零，但問題係…先唔理佢啲好姐妹會有幾激烈嘅反應，剩係要面對佢屋企我都承受唔嚟，呢份工我打唔起…」
健：「又好似係，佢份人咁認真，都唔明點解會同你玩，我諗你都係同易汪繼續調戲比較實際。」
我：「佢調我就有，我當佢哋都係朋友嚟㗎咋，係靚女啲咋嘛，唔等於可以見一個愛一個，我會吃不消。」
健：「真係無諗過？畢竟你同佢哋平時係咁親近。」