【士㞗彈系列】《她被寄宿到鹽水男孩的家中》2K15中: K984

健：「言下之意…你係咪鬧緊Queenie係臭閪？」呢條友仔羽翼漸豐，越嚟越想揼柒佢條仆街，祝佢輸到要切噹噹。
講到㷫起，突然見到幾個不受歡迎分子；當然相對性理論就係，我係佢哋最唔歡迎嘅分子。
慕：「咦，你兩個做乜會喺度嘅？」
我：「娘娘…話驚唔識駁部琴喎，所以我咪幫手睇下。」呢個理由都幾荒謬，但無計啦，鬼叫我抱住佢部琴咩，唔通要我講驚你哋嚟攪破壞？
雖然我唔覺得Myth會放暗箭，其他幾個就不得而知。
O：「噢，我重以為你個娘娘係拉小提琴嘅添。」易汪喺度興風作浪，呢期啲人早就留意佢多過QQ。
易：「唔使分咁清㗎，做得太監呢，就全世界都可以嗌佢做公公㗎啦。」
我：「咁都有道理嘅，話唔定我係鹿鼎公嚟呢。」
G：「係巴閉喎，咁你要搵多兩個姐妹畀佢哋喇…唔講廢話先，介唔介意我坐低試下set鼓？係咪較完高度喇？」
我：「較完，請隨便，如果唔啱手感你可以改返。」




G：「望落就唔使，呢個擺法好正路吖。」
雖然唔想長敵人威風，不過都要介紹下嘅，Oliver同Gregory都係中等身形，矮我少少咁，前者係一個有啲藝術氣質嘅飄逸小白面，如果要類比就係一個短髮無咁靚仔嘅三國無双版郭嘉；後者就比較黑黑實實帶啲陽光氣質，用陸遜嚟比較係適合嘅。
咁我呢？我認為李典或者樂進都係唔錯嘅選擇。
至於男班長，的確係配得上周瑜或者姜維呢啲角色。
易小朋友呢…係牙刷仔，蔡寶奇，呢啲人邊打到仗吖，出現喺三國年間實做硬炮灰都似。
Greg哥一坐低，就由左roll到右再由右roll返去左，即刻接一段pattern；要知道雖然無駁到喇叭，但實體鼓稍為用力少少打就已經成個禮堂都聽到晒。
K：「嘩，男仔識打鼓的確係幾型㗎喎。」K姐喺個台出面伸咗半個身入嚟，其實唔使怕醜啦。
G：「唔敢當，試下位啫，失禮晒。」
慕：「哈哈，我哋要插咗線先出到聲，彈唔到畀妳聽住。」點解我聽咗做插咗入去就會出聲…
K：「無用，乜你夾band唔識打鼓㗎咩？」




慕：「費事獻醜啦，我哋分工合作，各司其職嘅。」
G：「唔該晒鹿鼎公喎，呢個高度啱㗎喇，一陣就咁推出去就係，使唔使借轆棍畀你玩下，驚你無。」
我：「客氣喇，呢啲太長太幼，捋唔慣。」講真成日對住天王星個譜，我都就背到出嚟，但既然唔係真材實料就無謂自暴其短，都係專注返喺今日嘅職責上面。
Y：「嘩，做乜突然之間咁多人嘅。」
慕：「易汪，陣間多多指教，我哋唔會留力嘅。」