【士㞗彈系列】《她被寄宿到鹽水男孩的家中》2K15中: K987

健：「你覺得如果做幽蘭男朋友會唔會幸福？」
我：「我又未做過，佢又未拍過拖，我點識答你喎…不如你話我知成日有得中出欣姐係咪好幸福。」
健：「嗯，我覺得同佢相處開心先係最重要。」
我：「所以我覺得Queenie同我住好幸福㗎喇，可以互相照顧又充實咗好多，至於佢有無男朋友唔重要吖，就算佢同我一齊都未必夾得嚟，成日鬧架嘅話就重大鑊，至於肉體呢啲嘢呢，無底洞嚟，好難話得到咗佢就一定滿足。」
古語有云喺度食就唔好喺度屙，包好晒啲垃圾之後又偷偷走落去籃球場掉完先上返去禮堂，其實門口有先生守住㗎，不過我哋一表正經咁行入去佢又無問我哋嘢，要知道班組合唱啲人走嚟走去，唔爭在多埋我哋。
U：「喂，你兩個去咗邊呀，陣間重要你幫手㗎。」
我：「唔使驚喎，我向來覺得生命誠可貴，愛情得啖笑。」若為性行為，兩者皆可拋。
學校總共有廿四班，竟然有九班參賽，不過有三班係中六嘅，呢啲嘢大家都明，無出賽嗰班一定係…然後就係對唱，都唔知邊個先生咁大膽單飛咗呢個項目出嚟，結果就有好多誹聞男女被迫上台甚至係俾其他人惡意幫報名，咁當然都有真愛，有攪笑相聲兄弟，有球隊型男組合，有深情好姐妹背後綠茶…其實覺得幽蘭應該捉QQ上去唱下。
唔明點解咁多人鍾意出風頭，係唔肯悶聲發大財，枱底狂食女or仔㗎喎，搞咁多嘢耗費時間精力唔攰嘅咩？
其實唔攰嘅，好多人上去膠唱下K咁，邊似得班女神…




Y：「喂，我哋去準備先…陣間就夠鐘自蒲後台啦。」話咗㗎啦，呢啲日子只要夠信心就可以自出自入鬼認得你。
易：「咁快閃人？如果臨陣縮沙就好笑。」有啲人雖然唔係大奸大惡，但寧舍乞人憎，唔死到臨頭係唔識驚嘅。
O：「可能驚練唔夠，而家去課室綵排多次？不過我哋都差唔多夠鐘上定去喇，重有三組就到我哋。」隔籬班嗰兩個行咗埋嚟。
慕：「咁move啦，我諗佢哋女仔…想整色整水啫。」
易：「有實力嘅話使鬼整色整水，係用埋晒旁門左道。」
慕：「由得佢哋啦，我哋有返啲風度，相信評判係用耳仔嚟畀分就得。」咁跳舞嗰啲點畀分好？
佢哋直接喺側邊通道上台去後台，過多十分鐘到我都上埋去，三條仔攞住結他準備，重未見班女神。
易：「吖，你又唔係有份比賽走上嚟做乜，攪破壞呀？」
我：「我…你唔記得咩？我重要做某啲女人嘅牛同馬，咪上嚟幫佢哋打氣舉下牌咁囉。」
易：「打氣要嚟後台？果然係後宮開工嘅公公。」佢作詩咁講咗一句包含三粒同音字，但我記得佢中文幾廢下。