【士㞗彈系列】《她被寄宿到鹽水男孩的家中》2K15中: K988

我：「無計啦，幫佢哋拉下裙腳都要，唔係點做裙下之臣。」話說呢，我就大人有大量，點會同青頭仔計較。
我心中知道自己可以三十秒內徒手打死佢就夠，正所謂發起癲嚟連我自己都驚呀，點可以咁易俾你睇穿呢…
「三部結他駁晒線，陣間你哋出去試兩粒音先就得。」事實證明，學生會定音樂組都好，bass一樣係叫結他。
唱埋呢組就到佢哋出場，唔知有無黑手嘅呢？七隊小組佢哋排第四，而女神就係最後一組，嚴格嚟講可以話係睇住佢哋嚟打，亦算係壓軸登場；不過呢，又唔係打循環賽，上台一take過做好自己就夠，如果睇到佢哋表演出色而影響到自己信心都未必係一件好事。
唔通班女神就係為咗咁而避席？實在唔係佢哋風格…
G：「爽，幫手一齊堆啲鼓出去。」似乎睇唔過眼我自封鹿鼎公，不過吹咩，事實擺在眼前你串我唔到。
我：「吓…點解係我？你哋咁多人。」
G：「佢哋攞住樂器又連住條線無咁方便嘛。」
我：「做乜唔叫學生會啲helper？」真係未嚟過後台係唔會知，呢度長期五六個冗員喺度遊下遊下。
G：「屌，你咪當幫女神搬囉，一陣佢都有份打，而且你可以睇住我無做手腳吖嘛。」又啱喎，易汪都叮囑過我佢哋出場前要確保set鼓係啱位。




於是我哋將set鼓擺咗喺兩架大手推車上面推出去擺位，呢種感覺好奇怪，讀咗咁多年書第一次行上去下面坐滿人嘅台度，應該係？小學畢業禮嗰啲無理由計嘅；雖然話只係開咗暗燈，但識我嘅人就應該認得我嘅。
Greg哥指示要擺係中間偏後嘅位置，我覺得合理嘅，而佢都無玩嘢盡可能跟返晒原位咁擺。
而我其實最緊張個譜架，因為無咗部iPad天王星就歸零…
我諗Greg好奇怪我點解再三tune個譜架，因為淨係演奏一首歌嘅話我從來就無見過其他女神要睇譜，而QQ更加係經常即興話彈乜就彈乜，十足嗌M記唔使睇菜單咁。
G：「個咪唔好咁近bass，遠啲高啲，如果唔係啲聲好焗。」佢拉一拉個咪架。
我又無話質疑佢嘅，始終唔係呢方面嘅料子，不過團長都有教過我，如果大細聲都解決唔到問題嘅時候就可以扭粒bass同treble制；我唔識嘅，不過多次嘅實驗話我知可以點樣扭到好聽，正如我知點非禮QQ而唔會被閹。
我：「咁我返後台喇。」