【士㞗彈系列】《她被寄宿到鹽水男孩的家中》2K15中: K996

我：「一，二，三…」屌，我都未影俾你捷足先登。
「喂！社長！可唔可以…」有其他狂蜂浪蝶了。
U：「NO！同我即刻上返去！唔准跟埋嚟！」再望一望原來已經有六七條友走咗落嚟…
「請各位唔係準備演出嘅同學即刻返埋位，否則有可能會被紀律處分！」訓導終於睇唔過眼開大咪，同一時間四條女亦拔足狂奔跑去更衣室，因為佢哋清楚缺點換合照其實唔係蝕本生意嚟，況且只要人夠多訓導就變咗無牙老虎，唔通一次過記十幾廿個缺點咩，所以謝絕糾纏方為上策。
我：「無戲睇喇！返上去啦！」
「頂！臭瘟神，點解你識第一個跑落嚟㗎！」唔關我事，啲師兄好多一向咁嗌佢，而佢就搦住電話傻笑…
的確，佢哋嘅演出實在係好震撼，至少喺學校音樂日嚟講，就算我唔識佢哋都肯定唔會瞓覺。
我哋一班仔迅速咁經大門入返去禮堂，台上面就跳緊嗰啲細龜所講不知所謂嘅K-pop；我個人嚟講就無乜所謂嘅，雖然接觸嘅文化係日系多啲，但潮流嘢就無乜喜好可言，總之有女咪睇下囉…不過一望隻腳已經輸晒俾班女神。瘦嘅太幼，肥嘅太婄，結實嘅就蕃薯咁…要知道天王星嘅肌肉腳實在係不得了，最緊要身高輾壓。
臨坐低前望一望男班長，佢一面坦然咁望住台上嘅表演，估計已經老實認輸，易同學就怨恨樣，至於三文治佢哋就一副事不關己無人叫你挑起女神無雙咁嘅樣。
龜：「我諗返到去…我會認識一下首歌同埋隊band。」




我：「點呀，係咪好正呢，做人唔好咁單一啦。」
龜：「唔關事，因為佢哋嘅演出好有力量，有啲櫸板嘅影子。」宅撚死不認輸，就好似嗰啲高達死忠話唔睇其他系列，到頭嚟就喺度抵賴話因為都係BANDAI同有共通制作人而睇埋EVA，夠晒扮蟹死雞撐飯蓋。
健：「我覺得…當初鍾意Kuromi其實係無錯嘅。」
我：「喂，你而家講埋啲咁嘅嘢係乜意思先？」
健：「如果當時我唔係咁蠢，或者真係可以有鍾意嘅權利。」做人呢，最棹忌就係覺得比以前聰明。
我：「呢啲你同欣姐講啦，可以繼續鍾意㗎，唔好唔記得人哋係有仔就得。」
健：「你好彩咋嘛，盡享天時地利。」
我：「係呀，如果唔係嘅話我點同佢friend，而你都唔會入到嗰個工會，更加唔會識到個咁淫蕩嘅姐姐。」
健：「我知…或者有一日我同阿欣最後會分開，但Kuromi係根源呢點係不變嘅事實，對佢只有無盡嘅仰望。」
學QQ講，沉迷女神最蠢，所以呢條友重係一啲長進都無…