【士㞗彈系列】《她被寄宿到鹽水男孩的家中》2K15中: 2K14

Q：「人哋先十幾廿歲，有乜可能咁快封盤唔食女呀，俾著係你都唔會啦。」
Y：「我唔知佢會唔會，但一定唔係為咗妳呢個西宮囉，如果妳要冧佢嘅話勸妳死咗條心。」唔通係魚蛋理論？
Q：「西宮起碼係現在式，總好過某啲人從未得到就先被過去式。」嘩屌，呢兩隻戲精咁快就入戲上演宮鬥劇…
QQ講得無錯，佢哋真係八婆嚟，因為佢自己都係。
V：「咁…想請問一下，外族公主要做啲乜㗎？」
Q：「化干戈為玉帛囉，通得婚就係為咗生仔㗎啦，有小朋友喺對方陣營咪唔使打仗。」
V：「吓…乜咁快，我未有心理準備喎，會怕醜。」
Y：「有啲嘢可以一下就完㗎喇，唔會畀時間妳作出反應。」果然生仔只需要一下，唔使做愛。
但我再咁樣成日對住佢哋實在人都癲，好快就會失去認識正常女仔嘅能力，覺得其他人悶到爆。
過咗陣點菜嗰三個返返嚟，重攞住一堆戰利品，有一桶冰，幾罐梳打同薑啤，有幾碟前菜，係青豆同埋一啲類似木耳絲定唔知中華沙律嘅東西。睇個樣團長就成日嚟呢度幫襯，或者次次身邊都有唔同嘅女仔？佢坐低之後又拎咗幾枝嘢出嚟，我諗都係好嘢嚟㗎喇…




A：「飲嘢呢，就點都係自己準備好啲嘅。」有一枝梅酒，但同我超市見開嘅唔同，又有一枝日本酒，獺祭…遠心分離，唔㞗知係乜嚟，重有枝濃縮檸檬汁。
佢倒咗半杯獺祭落茶杯度，加咗兩粒冰。
A：「恭喜妳今日贏咗喎，飲返杯賀一賀佢啦。」QQ講過佢哋幾個全部會飲酒，識打牌，只係嗰兩個不近男色，天王星就隨手攞起個杯飲咗一啖。
U：「頂！好撚好飲喎…」就連個樣都變埋。
A：「嘩，女仔人家邊個學得妳咁粗魯㗎…」
U：「無計啦，民女出身寒微，乃市井之徒，係差唔多㗎喇。」有幾寒微呀…係咪唔記得咗妳爹係貪官嘅人設。
A：「家陣朕唔准妳將男性性器宮掛喺口邊。」係咪掛就唔得，要含吹舐啜先得？小人都想見識下。
U：「咁…好閪好飲囉。」佢囁咗一啖入口之後講。
似乎係我見識少，明明個閪字係貶義只可講好閪難飲…
V：「我又要！」右邊嘅幽蘭趴喺團長嘅大髀上面，打橫個人伸手搶咗班長隻杯。




V：「係呀！好好飲。」難得見到佢個幸福樣。
A：「呀，有錢女屋企無理由無酒飲㗎喎。」
V：「屋企唔畀吖嘛，同埋嗰啲唔係烈酒就係紅酒，兩樣我都唔鍾意。」當妳乜都有嗰陣又點會知足吖。
Q：「有無咁誇張呀，等我試下先…成班都係細路女嚟真係容易滿足…不過酒呢啲嘢係要試清楚啲嘅。」QQ飲完一啖之後個杯已經吉咗，然後個樣好鎮定咁攞起枝酒樽喺度斟酒，但係…始終掩飾唔到喺度暗笑嘅事實。