【士㞗彈系列】《她被寄宿到鹽水男孩的家中》2K15中: 2K13

A：「妳鍾意鮮卑就鮮卑啦…最後到妳呢個女班長，妳家父原本係一個縣官嚟，但因為貪污俾人踢爆而要發配邊疆，而妳為救家父犧牲自己，甘願入宮做貴人，今日啱啱嚟報到，準備第一次見王上。」
U：「民女聽命…」
A：「好！咁飯官同我一齊出去點菜先。」
U：「王上，今餐由民女埋單，我都跟埋去…」
A：「算妳識做…如果妳乖啲就幫妳爹爹復職啦。」
然後佢哋三個出咗去。
Y：「正西宮，呢個名號實在好啱妳。」
Q：「妳好好…只配做一個俾人玩完即棄嘅EX，點解妳唔早啲同我講妳喺出面識到個咁正嘅指揮？」
Y：「妳冧佢呀？有諗過介紹妳嚟玩㗎，不過妳知啦，彈琴唔係咁多位嘅，同埋一般情況佢都唔係咁。」
Q：「又未至於，但睇佢表演應該可以學到唔少嘢。」




V：「妳哋話呢，如果真係喺古代佢係咪可以要晒我哋？」
Q：「古代有財有勢就可以得到任何女人㗎啦，但妳估佢真係咁好運可以做到皇帝咩，對佢嚟講喺而家呢個現代自由社會分分鐘重著數，至少交通同溝通方便太多。」呢個QQ係咪想寫篇論文探討古今男女之事嘅變遷？
Y：「但以佢嘅相貌才智要撈返一官半職我諗無乜難度，或者可以做一個樂司？」
Q：「咁如果妳係要比嘅話，點都優勝過呢隻大兵。」
我：「關我乜事喎！我先唔要做兵呀，如果喺古代我不如歸隱田園，種下菜作下詩好過。」
Q：「唉，聽到就知無希望，有無諗過其實你喺現代都係差唔多，就係一個hea爆嘅宅男。」
我：「妳點可以咁話我，起碼我拍過拖。」
Q：「關於呢點我實在係不願置評，喂，其實妳會唔會瞞住我哋真係佢嘅EX嚟㗎？」
Y：「先唔會囉，應該話佢無畀過機會我。」
V：「嘻嘻，原來易汪妳都會食檸檬嘅。」




Y：「又唔可以咁講，好耐以前試過話想請教佢樂理約佢單獨見面，佢求祈話唔得閒推咗個師姐嚟幫我，咁咪知乜事囉，後來知道佢身邊大把女就唔諗嚕。」
我：「估唔到妳年紀輕輕就識發姣喎。」
Y：「發你個頭，有個咁優質嘅男仔喺度想識下好正常呀，你自己咪又係咁黐住左右兩個女神。」
我：「唔關我事囉，一切都係座位表嘅錯。」
Y：「係呀係呀，他朝一日調咗嘅位嘅話唔好再俾我見到你哋日夕相對。」俾團長攪一攪佢哋嘅文法都優雅咗…
V：「嗯…但團長嘅話，如果佢肯認真對待一個女仔，我諗都無乜邊個會say no。」我就覺得係妳發姣同埋膚淺多啲嘞，如果係QQ嘅話應該無咁易冧佢？同埋佢係唔專一啫，唔等於佢對身邊啲女唔認真嘅。