【士㞗彈系列】《她被寄宿到鹽水男孩的家中》2K15中: 2K22

U：「唔好理個奇怪公主啦，殿下同我飲返杯先。」其實我覺得天王星就係死都唔輸得嘅性格，有啲嘢QQ做到就佢都要頂硬上，但明明就未經人事點同啲魔女鬥。
第二味餸係龍蝦兩食，分別係焼龍蝦同埋龍蝦刺身，QQ今晚食唔到異形蝦可以用龍蝦補數，不過啲龍蝦就有啲細隻，所以用量嚟彌補總共有四隻。
我：「妳隻天婦羅蝦重唔食嘅？放到腍㗎喇。」
Z：「我…食蝦好容易敏感，所以你可以幫我食埋佢。」佢食住冬菇天婦羅嚟答我，一嚿可以分成四啖。
我：「咁龍蝦妳食唔食得？咪無嘢啱妳食囉…」
Z：「龍蝦會好啲嘅，可以食少少，唔緊要啦，你留返啲蔬菜同魚天婦羅畀我就得。」乖乖女就係人畜無害嘅樣。
作為愛護地球嘅一員，我又點忍心放到佢唔脆先食。
Y：「貪心，一人一半啦。」
於是我夾起隻蝦放喺我同YY中間，再一齊咬落去…
再下一道菜係奇怪魚喜之次刺身，跟住網焼和牛，再到我話要食嘅焼地鶏拼盤，重有啲熱葷例如炒魷魚，燉牛筋…




酒過三巡，對面兩條女已經挨到團長實一實，今次可以話無走數等佢享受到夜總會級數嘅服務；而佢哋嘅對話，主要都係關於今日比賽嘅表現，同埋嗰幾條仔嘅反應咁。
A：「呀，係時候換下女，正西宮過埋嚟啦。」
於是QQ喺呢邊去咗對面，好識做咁攝咗喺班長隔籬。
Q：「王上，你曳喇，有新貴人入宮就剩係顧住同佢玩，冷落奴婢，係咪唔記得咗我喇？」呢個QQ…擠眉弄眼咁，一坐低就將團長隻手抱落自己心口，實在好不…
A：「點會呢，正西宮嘅時間係屬於子時之後㗎嘛。」呢個王上…將QQ嘅右髀放喺自己左髀上面攪到走晒光，再繼而一嘴車落去，但係同一時間，左手穿過QQ背脊放喺班長嘅鎖骨同北半球附近，右手就攝入幽蘭裙腳叉摸髀…
V：「聖上，我喂你飲酒吖…」呢個又喺度爭寵。
雖然眼前如此淫亂不堪，但小弟嘅分析就係，QQ本身鍾意靚仔，淫底得嚟又入戲；而幽蘭就係自覺份屬QQ好姐妹，所以QQ做乜佢都要照抄；而天王星就係睇唔過眼佢哋同男仔相處嘅強橫手段，死要面唔輸得頂硬上。
我：「Zilvia，妳還好嗎？」我認自己無眼睇…
Z：「嗯…不朽都知…佢哋係咁…」吓？點不朽係咁呀，我淨係知天王星平時趕走晒所有男性生物嘅唧。
原來乖乖女已經飲到半醉，講完就成個人挨咗落我度。




如果係幾年前我實色心大起，但喺呢一刻只感到佢無比嘅純，可昭千足純金同四號海洛英。
Y：「喂，死仔調位啦。」佢當然知道乜事。
調完之後我喺天王星對面，睇住佢俾人冷落，而易汪就拉高咗少少條裙，將我隻左手放喺佢黑絲大髀上面，近髀罅嘅位置。