【士㞗彈系列】《她被寄宿到鹽水男孩的家中》2K15中: 2K25

睇到Uranus撓住佢隻手真係好唔慣，係咪其實只要夠靚仔而且又幫到妳就得？唔好咁傻豬啦，佢又點會鍾意妳…
中二嗰陣易汪講過有個男仔對佢無動於衷，當時心諗無非係條仔一係就俾女人管住，一係就嫌佢太細個怕咗佢；而家我相信嘞，就算佢攬晒惜晒我哋都好，一樣可以當我哋唔係一回事，自問我個樣同身材對男人嚟講都係難以拒絕，而佢可以抱過揸完就算，最多只係為咗我而硬咗一陣間…又例如易汪嘅樹熊抱，俾著普通男人一早已經想射…
A：「總之再一次恭喜妳哋贏咗，飲杯…但係無下一次㗎喇，妳唔好又走去挑人機，妳無咁多嘢可以欠我。」
U：「係咩？我覺得我重有好多嘢可以畀你㗎喎。」
A：「做女仔好心就收斂啲啦，知唔知？唔好諗住有嘢可以出賣我就會幫手，今次純粹貪過癮，再有下次就唔過癮㗎喇，咁大口氣就出去埋咗呢張單先。」
無乜睇過餐牌，好彩我哋幾個女仔唔大食，團長唔係為食，阿爽又比起平時含蓄，每人大概一千差唔多？
V：「唓，你估無咗你一定唔得咩，我都可以幫手㗎。」
A：「我知呀，不過妳啲音樂感太傳統同單一喇，唔係個個受落，妳哋以後想繼續玩落去就自己搞掂唔好搵我，我可以介紹band房個主人俾妳哋識嘅…」
呢個時候，天王星攞咗個銀包出嚟數緊五百蚊紙。
V：「Uranus，我畀住先啦，返去先再計。」




A：「嘩，真係有錢女嚟喎，黑卡咁串嘴。」
V：「嘻，問你驚未，睇你重敢唔敢打過嚟鮮卑？」
A：「打，點解唔打呀，等你哋賠了公主又折兵，搶埋妳張黑卡走，實行財色兼收。」
V：「哼！嬲死你呀，你衰人嚟㗎！」唉，好彩只係玩一晚咁多，否則幽蘭實好快無剩畀佢食埋。
然後幽蘭開門出咗去，點知唔使十秒就返返入嚟。
V：「喂…點解佢話已經埋咗單㗎？」
A：「係囉，唔知呢。」呢個時候老闆娘入嚟將一張卡交畀團長，再用日文同我哋講多謝，希望下次再見嗰啲…
係得張卡咋，連單都無嘅…而張卡係AE細頭白金嚟，即係我同媽咪以前狂轆嗰張。
U：「喂，話咗今餐我嘅，你咁樣算點先？」
A：「無乜點，我做得王上就係老細嚟，妳哋嘅服務都幾好，咁當然係由我埋單啦。」




U：「我唔要收你啲錢呀！家下當我哋係乜呀？」
A：「咪…服務員囉，唔通妳真係諗住要做新入宮嘅貴人？」可惡嘅團長用白金卡敲敲佢頭再放入銀包。
U：「唔要呀，你唔准咁樣對我哋呀！」
A：「唔滿意咪絕交囉，我就已經享受完，又唔會care妳點睇我嘅。」呢啲就係真正嘅目中無人。
U：「唔得，快啲話畀我聽啱啱食咗幾錢？」