【士㞗彈系列】《她被寄宿到鹽水男孩的家中》2K15中: 2K45

我：「黐線咩，先唔講有無可能，重有三年要對住㗎，貪好玩咩？」
Q：「扮住兵先都得，唔通就唔可以扮住SP先？」
我：「SP邊有得扮㗎，唔通真做完同佢講只係扮一陣…同埋唔覺得佢會考慮我囉，唔想俾佢請食檸檬，最重要，嗯，我應承過下一個女仔一定係妳嘛。」
Q：「唓，我喺度你梗係咁講㗎，試下我唔喺度，你咪話我睇死你又死死氣咁黐埋去扮親密，咪話我話。」
我：「如果無咗妳，我同佢又點會有交流吖…繼續搵細蚊玩下hea下咪算，健仔可能重係青頭…」
Q：「哈，真好嘢，講到我控制你哋人生咁。」
我：「咁其實如果妳想，要控制一個男仔都唔難。」
Q：「無呢個興趣喎，你見我有無控制過男朋友？」
我：「因為對妳死心塌地啫，如果佢有偷食嘅意圖呢？」
Q：「可能真係有，不過佢搞得掂DSE先算啦。」




我：「話就話佢讀男校，但去補習是會識到女仔的。」
Q：「如果要偷食，乜情況都可以偷到，一個小息夠喺雜物房扑埋嘢喇，我可以點控制，不過我希望佢如果唔想再對住我就直接出聲，最憎人呃我。」所以男女校先危險…
我：「妳都幾睇得開…」
Q：「鍾意就鍾意，唔鍾意就唔鍾意，無得迫㗎喎，我唔認為自己靚女就可以要個男仔聽晒我話，邊有可能，唔通而家就要佢簽約養我成世咩。」
我：「到佢唔要妳嗰陣唔好喊呀下。」
Q：「先唔會，我未天真到覺得會同佢一生一世囉，唔好背叛或者出賣我就得，美少女如我會驚無人要？」
我：「咁又係，如果妳入返pool實大把人排隊，使唔使考慮下啱啱呢兩個？」
Q：「唔啦，做生不如做熟，風險無咁高，其實瘟神都算好仔，識咗咁耐大致上所有嘢正常，呃飲呃食又滿足到，係唔係幾捨得咁樣對佢。」
我：「換言之，佢算唔算係妳第一後備？」
Q：「唔算喎，對佢無感覺，所以先更加唔應該曖昧，佢又唔係玩得，咁樣佢會好慘。」




我：「有得喺妳身邊都話慘…」
Q：「不如試下你好沉迷易汪，然後佢好似而家咁對你睇下慘唔慘，你唔冧佢所以先無感覺啫。」佢係咪講緊我而家對住佢應該要日日都覺得好慘…
我：「咁如果唔覺得慘嘅話可以同妳玩啲乜？」
Q：「吖，家下我無份同你玩咩？男仔女仔就算拍唔成拖都重有好多嘢做到嘅，最緊要互惠互利，我又唔介意啲比戀人更親密嘅朋友關係嘅，大家開心同明白咪得。」
都唔知係壞事定好事，應該開心定唔開心…
我：「係咪好似團長呢啲就係最好嘅選擇？」