【士㞗彈系列】《她被寄宿到鹽水男孩的家中》2K15中: 2K67

鄧：「呢個問題呀，又唔係最好嘅，但從來都係咁㗎啦，理科班中文成績唔會差過文科班同商科班，但係數學呢，就隨時高過佢哋一個十位數。」
「咁妳死心啦，我哋呢三年都係要對住妳㗎喇。」
鄧：「鬼唔知咩，所以都要你哋幫幫手呀，如果喺出面補習收到啲好正嘅notes或者題目，希望可以不吝分享畀我，話唔定考試出返嘅話對你哋都有著數。」與其做教師，不如去做傳銷啦，都唔知當啲學生係乜。
鄧：「佢哋幾個落咗去又唔可以教書住，呀，其實呢個日子係有啲任務要做嘅，而家就係一個最好嘅時機嚟。」
慕：「咁睇怕就係到咗調位嘅時候嘞。」
鄧：「男班長果然料事如神，咦，見你好似有啲依依不捨咁喎，其實如果想方便班務嘅話，可以安排你同女班長繼續一齊坐㗎。」硬係覺得佢知道啲嘢又要扮唔知咁。
慕：「呢個…唔需要喇，新鮮感可以提升學習動力。」
女神落晒去，我同佢呢個範圍就變得空寥寥，如果天王星喺度唔知佢重會唔會咁講嘢呢？雖然呢幾個月以嚟佢哋一直都互相唔妥，但係比賽完之後就好似化解咗咁。
不過又要咁講，我同佢都係打完一鑊之後先親密咗。
易：「啱呀，梗係要調到面目全非先公平㗎啦。」




是但啦，你哋望住我都無用，其實我寧願同健仔坐。
鄧：「咁我而家執位，你哋預習一下始得西山宴遊記…」
既然佢講到就畀下面啦，打開課文一大堆唔知乜字，作為現代人古文又有乜好學呢，又唔見物理堂教我哋鑽木取火先…我係一個膠人，居住在賓周，恒唔知乜，有條罅隙，就施施而行，漫漫而遊，再上高山，入森林，窮迴溪；嘩，撞鬼咯，做乜寫到首詩咁淫，擺明揸完波再摷下面。
始得西山，即係終於得到個閪同對波…QQ。
又講起森林，就諗起易汪下面…重有天王星幅相；人哋睇我望住本書以為我諗緊西山，實質西山景色就望緊我。
U：「咯咯咯…我哋返嚟喇。」
鄧：「嗯，坐返低先啦。」少做少錯嘅佢當然唔追問。
V：「唔係教緊書嘅，係咪要調位喇？」
我：「好明顯啦，見唔到佢望住個座位表笑吟吟咩？」去年今日，就係我第一次同八婆臭港女右女神坐嘅日子。
一年嚟，我由綠帽俠變到同QQ熟咗，同細蚊和好，撞返小同韻婷，一個又一個女神擊破，重有契妹…




V：「吓…我唔想調位住喎。」有陣時佢都幾細路女。
我：「做乜唔想，唔通妳好唔捨得我？」
V：「你黐線㗎，我鍾意同茜旎一齊坐咋嘛。」明明隔住咗我，但佢哋就可以經常當我無到咁謦欬。
Q：「調位幾好吖，妳可以識多啲人…同埋男仔。」
V：「唔使喇，我覺得而家咁樣已經好好。」