【士㞗彈系列】《她被寄宿到鹽水男孩的家中》2K15中: 2K69

Y：「我過嚟喇，你哋好呀，點解我又喺你前面？」
我：「哦，妳可以再生高少少，咁就可以坐我後面。」其實天王星係高唔過我，原本佢個位係男班長坐嘅。
至於我呢啲，唔係永遠坐後面就係側邊，今次拍左邊牆坐第三排，對我嚟講算係好前。
F：「我隔籬…就係你好朋友？」
我：「唔係呀，我點會睇到邊個坐斜前喎，至於我隔籬嗰個妳好快就會知㗎喇。」
J：「唓，有乜關子好賣唧，佢朋友即係又係女嚟啦，都唔明點解你次次都可以俾女圍住坐。」
Y：「好明顯先生係想佢專心上堂，但似乎無乜用。」
我：「其實我都想同仔坐㗎，講嘢唔使就住就住嘛。」
J：「係咩，唔覺得你對住女仔嗰陣會就住囉。」
Y：「呢條友縱到壞晒㗎喇，已經無藥可救。」




K：「哈，我嚟喇…思韻妳可以出去睇新位。」
J：「果然俾我估中咗，咁…我走喇，妳玩得開心啲。」佢嘅語氣同眼神似乎就別有用心…女神講過佢同姣閪團都係有過牙齒印嘅，但而家已成定局要對三年所以佢哋都無乜嘢，思韻主要黐返QQ佢哋，同健仔肥豬都啱謦。
如果佢同我坐都好㗎，但可能好危險，我覺得佢係SP格，就係嗰種唔算啱key，又唔係鍾意都可以企到好埋嘅女仔，分分鐘聽佢講人壞話聽到上埋床。
我：「K姐妳好，幸會幸會。」雖然我都唔想…
呢個擺位法，似乎就係唔想我哋再玩到一堆堆。
K：「唉，嘥晒呢個位，應該有好多人想坐落嚟。」
易汪聽到，當然扮到事不關己再望向佢身邊，我唔肯定條八婆想唔想同我坐，但以佢地位就算坐邊我都要睇佢面色，只不過…佢可能唔想同阿花坐。媽，好亂呀。
F：「吓…邊係喎，不過…雖然阿爽份人係無嚟正經，但其實佢幾好玩㗎。」
K：「無興趣同你玩喎，一諗到要對住你幾個月就䒐…唔好煩我唔該，我需要抖一抖先。」
我：「妳唔係對住我䒐，係因為課室另一邊嘅擺位啫。」由於我唔知前面兩條女諗乜，所以就輕聲咬佢耳仔。




K：「屌你呀！咪哄咁埋呀！」好彩因為未調完位所以人聲鼎沸，但據我理解只要可以扮唔知鄧老師就會變陳老師，至於前面兩個就一副無咁好氣咁。
我：「嘩…唔使咁大聲，唔好咁直接，我受唔起。」
右邊靠窗位第四排，Myth靠窗，身邊嘅係QQ…
我：「其實我哋都係受害者嚟，坐埋同一條船就好好相處啦，雖然妳唔理我都得。」
K：「我唔明你想講乜喎，要我對住你就真係受害。」