【士㞗彈系列】《她被寄宿到鹽水男孩的家中》2K15中: 2K74

我：『我覺得男班長佢呢，對身邊嘅人起碼係有最基本嘅誠信要求，妳鍾意囉。』雖然Myth係㞗啲，但未至於係爛人，好過我掛。
K：『我考慮下先。』然後就繼續作文。
明嘅，女仔嘅電話唔多唔少都會影低自己嘅青春嘅，睇下天王星嗰部就知，世間上有幾多個Zilvia吖；至於QQ，單單係我幫佢影嘅性感相都上千張，而且佢重警告過我唔可以轆佢相簿，所以我估都收埋咗唔少極秘閃卡喺入面。
唉，無咗左右女神喺身邊實在無心向學，一粒字都寫唔出…平時QQ都會畀大綱我，幽蘭得閒又整返幾句。
任由時光流走，腦袋空轉，睇怕先係生存嘅藝術。
兩堂話咁快就完，K姐亦啱啱收筆，喺櫃桶偷玩電話。
K：「咪望住我，我都要搵搵先知邊張最好。」
我：「慢慢，信妳唔會del相，反正我都無得check。」
如果係上年嘅話我會好渴求㗎，但如今我…可以隨時摸QQ，又可以哀YY滿足我，神經有錢女又要我服侍佢，加埋bug咗嘅天王星，迫迫我嘅契妹，愛護我嘅EX…
K：「嗱，望一眼㗎咋。」驚我兩隻眼會變3D咩…




我：「一眼就一眼，三秒鐘。」
佢將電話反一反轉，嗯…乜咁就三秒㗎嗱？！大智慧話畀我哋聽快樂嘅時間係過得特別快，所以我都證實唔到佢有無出貓，唯有祝福佢以後啲仔仔全部快槍手僅限三分鐘。
K：「畀咗你睇喇，唔該答返我問題。」
簡單嚟講，一張睡房相，半躺瞓喺床上面，床單係角落生物公仔，佢著住條白色喱士底褲盡show白滑美腿，上面乜都無，用條條抱枕遮住兩粒點，但南半球就漏咗出嚟；估唔到都幾大下，應該大過易汪，同天王星差唔多。
我：「答妳囉，呢張相質素都幾高，但比我預期中含蓄咗少少，妳喺我心目中係更加爆嘅。」
天王星嗰張係爆啲，但無樣兼夾零構圖，可能K姐都會有啲無樣嘅露點相嘅，但唔強求，再玩落去會死無葬身…
K：「你估我唔驚俾人偷相呀？快啲答咗我先！」佢個樣十分認真，對男班長嘅春情可以話冚都冚唔到。
我：「答妳囉，佢兩個唔會有機會㗎喇。」
K：「證據呢？你唔係諗住隨口噏當交咗功課呀？」
我：「無隨口噏囉，咁我同佢都friend，自然聽到啲口風。」




K：「你點肯定到佢講真話？可能係呃你呢條傻仔嚟氹你開心㗎咋喎，你無理由唔知啲女仔可以有幾假。」
我：「大佬，真心朋友嚟㗎，佢無理由要呃我，我都無理由要懷疑佢，第一日識佢已經知佢有仔有乜好呃？」
K：「因為…港女可以好自私，諗所有嘢都係利益行先。」
我：「可能啦…但係我都只可以信佢。」
K：「你覺得…真係一啲可能性都無？絕對？」