【士㞗彈系列】《她被寄宿到鹽水男孩的家中》2K15中: 2K78

健：「女神又唔係我嘅，佢擰轉面同後面謦欬嘅次數都唔知係我嘅幾多倍，女神係佢先搞得掂嘅啫。」
我：「咪屈我啦…佢擰轉面係為咗搵自己姐妹啫。」
J：「我覺得唔算屈你喎，上Lab堂易汪真係指揮得你好好。」我想嘅咩，無得揀咋，加埋佢溝通能力係掂嘅…
然之後思韻主力都係問佢點識欣姐，當然將我同QQ牽涉其中嘅事實抹走，因為表面上QQ對我哋無咁大影響力。
J：「係呢，你講過佢有食藥，係食開邊隻㗎？」
健：「無問過佢喎…都係長方形一圈，一日一粒嗰啲。」
我：「喂…你哋喺度講嘅，唔會係避孕丸吖嘛？」
J：「如果唔係係乜？唔通你日日食必利痛？」
我：「我嘅意思係…你哋竟然討論到咁深入，呢個傻仔乜都同妳講晒嗱？」
J：「我鬼知佢有無講晒喎，不過我講咗自己唔係處女之後佢就乜都肯講。」




健：「無嘅，我覺得知道下唔同女仔嘅諗法，對我嚟講都係一件好事，邊似得你咁有得日日對住女神…」
我：「喂！唔好亂講，我係坐隔籬位咋，啲女神咁鬼蠱惑我點知佢哋諗緊乜先得㗎…但又真係估唔到妳會認得咁直接喎，話晒喺男仔面前。」幾驚個傻仔乜都講出口。
J：「講直接呢樣嘢有邊個夠你嚟呀？爽哥，我覺得無乜特別啫，就算今年重係，下年，又或者再下年重會唔會係吖，擺喺度又唔會增值嘅，而且我一眼就睇穿咗佢已經初嘗禁果，所以咪同佢講囉，警告你哋咪唱衰我呀。」
我：「明嘅，但未夠十六歲呢點，其實係關鍵嚟。」
J：「所以先唔好講出去，我唔要惹到任何麻煩。」
我：「傻啦，對我又無好處嘅，我自己都驚俾人攪呀…但妳咁快就關心避孕丸呢樣嘢，會唔會進取咗少少咁呢？」
J：「作為女仔，認識一啲保護自己嘅工具點都唔會係壞事嚟呀？點都好過出咗事先嚟頭痛，如果有效得嚟又無副作用嘅話，點解唔試下將個風險降到最低。」
我：「我只係覺得…戴套唔會影響到個身體又可以解決到個問題，而且可以有需要嗰陣先用…」
J：「我哋會諗食藥咪就係因為你哋呢啲鹹濕仔囉，唔係乜都有得我哋揀㗎，重要睇天時地利人和。」
我：「理論上香港市區十分鐘路程一定搵到便利店嘅。」




J：「你問下自己等唔等到來回廿分鐘吖，唔係話男仔一定心急，我哋女仔都未必咁有耐性，可能重要趕住做。」無得救咯，眼前呢對同桌睇嚟好快會成為好朋友。
我：「嗯，咁我同意如果安全得嚟又無副作用嘅話，食藥的確係一個好選擇，而且男仔一定係得益嗰個。」