【士㞗彈系列】《她被寄宿到鹽水男孩的家中》2K15中: 2K84

K：「欸，你覺得呢，我係咪要勇敢啲？」
我：「邊方面勇敢啲呀？我重作緊文㗎…」枱上面放咗本數學書，本書壓住咗張作文紙，露出咗第九行。
K：「咪扮勤力，我係問咁樣係咪真係可以令佢心動。」
我：「邊有得包生仔㗎…我又唔知你兩個進展成點，係見上次去旅行妳黐埋去，有無約過出嚟先？」
K：「約過一次咁囉。」明明姣閪嚟，都唔知喺度扮乜鬼矜持，相比之下佢好姐妹就直接得多，雖然唔見得會令我心動，咁…係咪即係姣閪戰術無用定QQ太過強大。
我：「約去做乜先？溫書食飯睇戲打羽毛球定開房呀？」
K：「去迪迪尼囉，臨尾惜咗一啖，但唔覺得佢有乜反應。」而家啲女仔真係…唉，QQ都惜過瘟神一啖。
我：「真係富貴呢…都算有啲進展吖，但如果佢本身唔係鍾意妳嘅話，惜一啖又真係未必改變到啲乜。」
K：「所以…我係失望嘅，本身諗住佢會好感動㗎嘛，而且…我哋兩個都係初吻嚟，好似嘥晒咁。」
我：「嘩，估唔到妳個初吻可以擺到而家喎。」所以話呢，做人唔可以睇表面，成日姣仔唔等於搵到食，反而思韻呢啲就唔聲唔聲可以嚇你一驚。




K：「我中一就想留畀佢㗎喇…而之前身邊啲仔我又唔鍾意。」仔呢粒字可以解兵，唔一定係男朋友。
我：「明嘅，都恭喜妳終於失咗個初吻，不過喺我角度惜一啖係改變唔到啲乜嘅，如果佢一早冧妳就唔使惜都係冧妳。」越諗越唔妥，今年我實在惜得太多女仔。
K：「係呀，所以茜旎惜咗你，情況咪一樣係咁。」
我：「哈，點解妳可以咁肯定佢惜過我呢？」
K：「因為呢個世界有樣嘢叫可靠線人，唔講呢樣先…所以我咪驚，會唔會太勇敢反而整彎咗個局面，到頭嚟其實得自己一個樣衰。」
我：「無辦法㗎喎，如果對方一開始係對妳無好感嘅話，但我覺得，要迎難而上定知難而退係睇妳決定嘅啫，所以我都重好努力作緊文，亦從來唔驚喺女神面前樣衰。」
K：「因為你無得知難而退啫，英文Miss嘅煩唔係一般等級，你可唔可以老實話畀我聽，你同女神表咗白未？」
我：「吓…無喎…人哋有仔㗎嘛。」
K：「你咪一樣細膽，到頭嚟原來瘟神重勇敢過你。」
我：「點同，我係尊重女神，唔想令佢增加煩惱，雖然唔清楚佢心底點諗，但我認為…佢都會覺得好似而家咁嘅狀況其實先係最好，而且我同佢真係好好朋友，至於瘟神我實在唔想評論，我覺得佢係拚死撼落埲牆度嗰隻嚟。」




K：「有啲羨慕你嘅，唔止同佢係朋友，連好姐妹都係…」
我：「係囉，我都唔知點解，哈…不過妳咁關心女神嘅動向嚟做乜喎，又唔係得瘟神一個追佢。」