【士㞗彈系列】《她被寄宿到鹽水男孩的家中》2K15中: 2K91

Q：「嗯？幾好呀，有雪睇，但做乜無端端同我講？」
Y：「咁我總要早幾日飛過去嘅，所以呢就…」
Q：「噢！即係妳同唔到我影相！嘢就妳應承人哋，然後賣甩我等我獨自承受。」
Y：「其實我都係琴晚先知…喺加拿大個叔公近幾年身體麻麻，所以擇日喺平安夜做手術，雖然唔係話啲乜嘢高風險手術，但佢都想喺之前同親友聚一聚，佢好惜我㗎，我每年都收佢一封大利是…」
Q：「明嘅！明嘅！好姐妹嚟㗎嘛，當妳欠我咪得囉，參加活動嘅都係同學嚟啫，我一個人handle到嘅…最緊要妳叔公手術成功，身體健康，OK。」啲溝通實在巧妙…
Y：「唔係呀…我意思係應承咗佢哋，當晚會有兩位model，所以當初先搵妳，如果我去唔到的話呢…」
Q：「換言之，就要搵另一位靚女代替，係咪？」
Y：「唔使好靚嘅，我都唔係好靚咋嘛…Zilvia我唔會攪佢㗎喇，天王星嘅話，求下佢可能會幫，但對佢同埋啲參加者嚟講可能會做成壞影響…」
Q：「所以妳就想我問下幽蘭睇下有無機會？」
Y：「嗯…其實唔係我唔敢問佢，而係始終妳同佢識咗太耐，如果我私自問佢唔通知妳唔係幾好，加上…我爭妳幾多人情都無所謂嘛，而妳一定可以令佢舒服啲。」




Q：「唉，以佢性格實話幫手嘅，加上有我喺度佢應該唔會有乜顧慮，就係怕佢唔得閒或者屋企唔准。」
Y：「呢個我都明，如果真係唔得可以試下問思韻。」
Q：「聽日先再算啦，或者妳刺激下露娜會更精彩。」呢個QQ嘅思維夠晒天馬行空，但我知佢方向正確。
Y：「多謝妳肯幫我，欠妳嘅我一定會還。」
Q：「哈，但妳有乜可以還喎，我又唔會叫妳畀條真Hermes巾我，又無得倒戈過嚟幫我做社務。」
Y：「咁…或者，可能妳唔小心欠咗佢某啲嘢，例如要幫佢打J，到時我可以代勞。」呀呢，點解會燒埋落我度？
Q：「咁如果我係應承咗同佢上床呢？」到底乜嘢事？佢兩個係走火入魔定係夾埋嚟整蠱我？都係唔好出聲…
Y：「如果你哋係認真，唔係夾埋嚟玩我，而妳又覺得我要還到呢個程度嘅話，都未至於係完全接受唔到嘅…」
Q：「傻嘅咩？有乜可能喎！咁認真做乜，等佢自己喺被竇入面性幻想同我上床啦，就算幫打J都睬佢都傻呀，自己有手有腳做乜要人幫，除非佢為咗救我幫我擋咗兩刀就考慮下啦。」原理上我都叫幫細蚊擋咗一下佢而家先…
我：「咁如果我只係擋得一刀呢？」