【士㞗彈系列】《她被寄宿到鹽水男孩的家中》2K15中: 2K92

Q：「咁就無喇，最多俾你…望住我呢個真人嚟打飛機啦，都唔錯㗎係咪？不過易汪妳唔好咁天真啦，就算我真係爭佢嘢，妳估下佢會唔會接受由妳嚟代勞先？」
我：「唔好咁啦…兩位都係我十分尊敬嘅女神嚟。」
Q：「咁啦，難得去加拿大，幫我買兩枝平時香港少見嘅icewine返嚟啦，唔使貴嘅，特別同靚就得。」
Y：「係咁咋，一定無問題，幽蘭嗰度就靠晒妳喇…我哋都係時候要鎖門落去交功課。」
於是乎我哋三個就一齊行落去教員室度交作文，不知不覺間我同幾位女神嘅相處已經變到非常輕鬆，雖然周圍重會有啲人喺度眼望望，但就似乎慣晒我同佢哋幾個一齊；由於我分配畀佢哋嘅時間都幾平均，啲人唱唱下都懶得唱，唔通我可以同一時間溝晒佢哋幾個，重要同露娜玩咩。
Y：「好，終於搞掂，係時候上去你度攞返啲嘢。」
我：「吓…做乜要上去我度？我攞落嚟咪得囉。」
Y：「妳想唔想上去佢屋企參觀下呀？可能會七國咁亂，同我哋認知中嘅屋企有好大分別。」
Q：「有乜好睇喎，東張西望影啲劏房家庭咪又係咁。」
Y：「但佢係公屋喎，重要一個人霸晒嚟住，唔知會唔會…成地都係鹹書鹹碟咁嘅呢？」呢條YY擺明玩嘢。




我：「小姐，雖然我未至於連鹹書鹹碟都未見過，但呢個年代重邊有人睇㗎，上網㩒幾下就乜都有啦。」
Q：「算啦，都係唔好打攪佢好啲，喺佢屋企驚危險。」
Y：「吓，妳竟然驚佢？佢唔係敢對我哋做啲乜呀？」
Q：「始終係佢屋企嚟，費事啦，一時忍唔住就弊。」
我：「係呀，容乜易俾我反鎖，一時諗唔通乜都做得出㗎，妳知啦，恃熟賣熟好易出事。」
Y：「唓，你估我唔知咩，你係驚間屋污煙瘴氣俾佢睇到失禮晒咋嘛，其實我哋明㗎喎，一條仔住係咁㗎啦。」
Q：「唉，雖然都估到…但唔想睇到佢成張床單都係分泌物嘅痕跡。」呢個或多或少梗有，但QQ嚟咗係洗密咗嘅。
Y：「其實正常嘅，我哋女仔都會漏M啦，而且…唔通妳條仔張床好乾淨？我就唔信你哋用完可以無痕跡又或者佢會即刻拎去洗。」死YY唯恐天下不亂。
Q：「哎吔，唔好講呢啲啦，你快啲上去攞嘢就係。」
我：「咁…我攞晒所有嘢落嚟？」唔係要遊車河呀…




Y：「隻天王遙同隻錶你keep住先，星期五拎返學就得。」呢位女同學完全漠視校規，迫人帶咁大件玩具…
Q：「你拎佢啲嘢先啦，雖然順路，但你又唔識分身嘅，過兩日先再送上嚟我屋企啦。」
Y：「哦，妳唔想上佢屋企，但就邀請佢參觀妳閨房。」
Q：「先唔會呀，睇下個廳都重得嘅，我唔會做啲咁危險嘅事。」我哋究竟喺度謦緊乜？