【士㞗彈系列】《她被寄宿到鹽水男孩的家中》2K15中: 2K93

Y：「妳覺得危險…係因為知道自己唔會出盡全力反抗？」
我：「欸…妳哋喺度吹住先，等我我上去攞嘢，好快。」
Q：「快啲落返嚟呀，咪顧住自己喺上面打飛機！」
真心唔明，我哋三個再一齊咁樣溝通，就係出事前嘅節奏，明明兩個都係有夫之婦，但又唔介意同我親近…
一隻美智留，兩盒鞋，重有之前一袋衫，都幾多嘢。
攞到落去然後截的士，我將啲嘢放晒喺後座再諗住去返車頭坐，點知YY就一對屁股塞咗入嚟，QQ於是乎坐前面。
Q：「先去維港灣，再去天璽。」
我第一次聽到QQ以前住嘅屋苑，雖然唔知喺邊度。
的士呼嘯行駛，一路上我哋無講嘢，話咁快就到咗維港灣嘅落客區，我同YY搬咗啲嘢落車，睇住QQ繼續搭車走…
我：「佢…真係去天璽㗎？」




Y：「點知佢，可能去圓方行街呢。」
同上次一樣，我搬嘢去到佢屋企門口，諗住放入去就走人，好在衫褲鞋襪輕過教科書好多。
Y：「你企喺度等一等。」等乜？唔通攞汽水畀我飲？
QQ住天璽…同呢度差一個站啫，我諗都係大同小異；既然幽蘭之家我都去過，應該唔會太特別掛。
Y：「屋企無人，入嚟啦。」實在出乎意料之外。
我：「妳邀請我嚟妳屋企？」
Y：「入嚟啦，橫掂你都嚟到，費事你覺得我當你係狗咁。」講真美女當前，做人做狗唔係太重要啫。
我：「無所謂嘅，就算妳當我係狗都唔會覺得難受。」
Y：「咁犯賤嘅？係咪要我喺你塊面度屙尿你先安樂？」
我：「呢個…如果妳鍾意呢味嘢…未嘗唔係…都可以配合一下嘅。」佢果然重係咁變態。




Y：「發夢啦你，鬼唔知你想睇我個閪咋嘛。」雖然係事實，但咁直接了當嘅女仔重要靚女實在係萬中無一。
入到去望到個廳，確實幾大，雖然無幽蘭嗰度咁誇張。
我：「真係安全㗎？唔會無端端有人返嚟…」
Y：「最多我阿哥返嚟，佢唔多理我嘅，你喺度正正經經唔係同我扑緊嘢就得啦。」實在唔可以唔佩服佢。
我：「想問下，呢個單位幾大呀？」
Y：「三房九百幾呎，我都唔係好記得，唔使羨慕喇。」又記得佢講過乜投資移民要五百萬，呢度實過晒啦。
我：「咁…天璽其實喺邊㗎？」
Y：「嗱，你過嚟啦，啱啱望到嗰邊。」佢捉住我行咗去窗邊，指住隔咗個避風塘嘅一堆建築物。
我：「哦，咁係咪同呢度差唔多㗎咋？」
Y：「乜叫係咪差唔多？咪一樣住宅嚟囉，你屋企都係。」




我：「我嘅意思係…即係個級數係咪相約？」