【士㞗彈系列】《她被寄宿到鹽水男孩的家中》2K15中: 2K97

Y：「你係乜都無用，因為你成個腦都係QQ，至少我條仔當時識搖尾乞憐係為咗全心全意得到我。」
我：「諗落都有啲病態，其實妳應該有好多選擇㗎？」
Y：「係咩，如果係嘅話團長應該珍惜我而唔係無視我。」
睇怕係得團長先可以令呢隻癲雞心動，咁其他男仔是但邊個可能又真係無乜所謂，最緊要科到水啫。諗深一層係咪男仔博愛啲嘅呢？如果唔係QQ嘅存在我可能已經拍咗N次拖，就算而家同細蚊相處都叫開心吖，雖然唔會迷戀。
兜完個圈佢送我去地鐵站，臨入去前我哋搵咗個凹位攬埋一嚿，識咗咁耐我哋已經有咗一種默契所以唔使講啲乜，我想鹹濕女仔，佢想俾仔惜，我哋都係各取所需。
我：「咦，妳咁快返咗嚟嗱？」
Q：「唔返嚟可以去邊？我唔係鍾意浪費時間嘅人。」佢一早已經換好屋企衫坐定定喺度做功課。
我：「以為妳真係去咗天璽啫。」
Q：「去嚟做乜，睇樓？唔使做功課咩…」
我：「嘩，妳做晒咁滯嗱…快得妳吖。」QQ做嘢好有紀律，同人哋返工有得揮，一次過執晒啲功課出嚟，未做就放左手邊，做完就飛去右邊，批奏摺咁無視咗張飯枱嘅寒酸，所以話YY擔心佢適應唔到根本係多餘。




呢兩個女仔…我懷疑隨時換仔都得，反正只不過係插入去枝嘢唔同咗，其他一切完全隨心調節。
Q：「大佬，我返咗嚟個幾鐘喇，都唔知你送貨送咁耐送咗啲乜，係唔係有啲乜嘢特別服務？」
我：「邊有喎，係參觀咗一下佢間屋，同埋話畀我聽天璽喺邊咋嘛，原來佢屋企對住妳屋企。」
Q：「唔好提喇，攬攬惜惜有無呀？」
我：「少少啦…佢都係鍾意玩呢味嘢，但真係無做其他嘢㗎，掂多佢少少肉都無，妳信我啦。」
Q：「無話唔信你，如果上咗床佢點會咁快放你走。」
我：「欸…邊有咁著數喎，不過奧運返嚟明明兜到傻，點解妳可以咁快嘅？」
Q：「低B，我梗係原車返嚟啦，重行去搭鐵咩…」
我：「咁咪好貴囉，即係兩倍價錢…」
Q：「又唔使，短加長減，你唔識㗎喇，總之平幾蚊。」




我：「個司機有無好奇怪妳返轉頭？」
Q：「有幾奇怪？我同佢講漏咗嘢喺學校要返去攞咋嘛。」又啱，呢個係專業大話精QQ。
總之，今日嘅任務已經全部完成，可以休息一下。
Q：「你條友重唔做功課？一返嚟又顧住打機。」
我：「咁…買咗西班牙地圖之後我都重未好好行返轉，好快㗎咋，就半個鐘，到妳做完之後就到我開工。」
Q：「你個仆街咪剩係識抄得唔得？咁攪法留班嘅話無人會幫你，不過你都無所謂㗎啦，可以食師妹添。」
我：「Sor…咁我做完先去西班牙囉。」唯有Alt加F4。