【士㞗彈系列】《她被寄宿到鹽水男孩的家中》2K15中: 2K104

我：「不如掉返轉問，妳又有無呷醋？」
K：「呷乜鬼吖，如果我要同女神鬥靚鬥成績實輸㗎。」
我：「叻喎，識得向現實低頭，唯有提高服務質素，盡早鑑平鑑賤將自己賣出啦。」
K：「講乜呀你，句句都撩架打咁嘅。」
我：「邊係喎，講事實啫…即係咁，如果茜旎係威靈頓牛扒，妳咪係學生餐囉，即管睇下班長食乜先。」
K：「班長係學生嚟，就梗係食學生餐啦，呵…話時話，咁你又使唔使呷醋呀？」
我：「有乜好呷，人哋有仔㗎，我從來都建議呢啲女神級嘅女仔發揮所長攻陷晒啲仔唔好嘥咗啲天生嘅本錢。」
K：「係呀？Myth講咗…唔會對佢心動㗎喇。」
我：「男人講嘢都好信嘅，女神唔畀機會佢咪咁講囉。」
K：「至少…佢喺我面前發咗誓，以後唔會打Queenie飛機。」望住佢春心蕩漾嘅姣樣，無得救㗎喇，估佢隻豬無可能擺得多過兩個月，分分鐘平安夜就…




其實都有啲難想象，我竟然可以年幾無做過愛，重要係喺有機會嘅情況下，我都幾叻，夠晒聽媽咪話。
調咗位之後都幾順暢，同K姐溝通無乜問題，反正我大把嘢可以教佢，包保玩到男班長樂而忘返唔會樂極生悲；雖然係得返右手邊有個唔掂得嘅女，無咗多手嘅幽蘭撩我大髀，但都算係咁啦…反而幽蘭就變得好靜，可能未適應俾兩個唔熟嘅男仔夾住啦，好在呢兩條仔係正常嗰批。
上Lab堂我同健仔繼續俾兩條女指揮，可能由於佢哋知我喺酒樓幫手執枱，結果次次洗嘢就交晒畀我做，OK嘅，我幾鍾意用試管刷插試管呢個動作；思韻本來坐得最近鋅盤，結果佢就坐埋我個位，變成兩條仔夾住兩條女嘅陣，易汪隻腳有時會揩到我，唔知佢係專登定有意嘞，係幾開心嘅，畢竟佢都係一個有份幫我排解性慾嘅女仔。
到咗食飯嗰陣，K姐一嘢就捉埋露娜去搵阿Cat，男班長亦都搵返佢啲band友，即係話…睇嚟已經成事。思韻就join埋女神們，健仔家下同我一樣俾其他仔歧視，fine，咪我哋兩枝公食囉，有乜所謂。
健：「有啲掛住…嗰陣三條友買埋飯盒上去你屋企然後一路食飯一路打機嘅日子。」一出校門佢就講。
我：「無話唔得㗎，想打傳說？去我酒樓買四寶飯囉。」
健：「咪喇，早就上咗傳說，留返啲精力等你個女神需要支援嗰陣先玩。」即係通常我去咗返工嗰陣。
我：「定係你要留返啲精力帶欣姐升仙咋？」
健：「佢？無乜玩啦，唔使溫書咩，之前係為咗調戲我先係咁撩我玩啫，而家不如直接開Cam算。」
我：「嘩，小心呀，如果俾佢偷Cap放上網就玩完。」




健：「迻，咁我夠可以Cap佢嘅啫，呢啲講個信字。」