【士㞗彈系列】《她被寄宿到鹽水男孩的家中》2K15中: 2K117

U：「問你吖，如果Queenie同易汪有機會俾你攪嘅話，係咪就唔會考慮，因為覺得佢哋完事後會開心？」
我：「咪誤會啦，佢哋係有經驗同開放啲咋，唔代表同我乜嘢完就一定會開心，同埋…我哋又未至於玩到咁…」
U：「都唔知你哋係咪已經偷食過又死都唔認。」
我：「咁我實話唔係㗎，不過妳係有猜測嘅自由，我只會話妳眼見嘅先係事實，我絕對唔會出賣身邊嘅女仔。」
U：「不如…如果到咗我十六歲都無鍾意嘅人，你又未溝到QQ嘅話，我同你…做咯。」…，真係越嚟越神經。
我：「做乜？手拖手，做個好朋友？」妳做主人我做…
U：「咪玩啦，做…愛呀。」
我：「為乜要咁做？」
U：「十六歲重未有人要好似好慘，留塊處女膜喺度唔知做乜。」我開始覺得佢哋之中易汪先係最正常嗰個。
我：「十六歲…應該重有大部份女仔都係處女嚟呀，唔好亂諗嘢啦，嗰兩個女神根本就係異類嚟，好似之前個社長Bubble咁，咪又係未拍過拖，好正常啫。」




U：「唉，我做女神都算失敗咯，中一之後已經無人追…咁啦，到十八歲都拍唔到拖就益你啦。」
我：「即係中學畢業…咁長遠嘅事，到時再算啦。」
U：「我覺得你溝女咁叻，畢業之前應該攪得掂Queenie嘅。」對住佢呢啲…溝呢個動作可以話零作用。
我：「佢變返單身先算啦，又可能溝到手又分返手。」
U：「咁就唔得嘞，唔會要姐妹流返出嚟嗰啲。」
我：「其實明明而家有兩個男仔夾住妳坐，交流下囉…」
U：「佢兩個…隔住我嚟講英超，我完全唔識，搭唔到嘴又好似阻住佢哋咁，都唔知點好…」
同平時一樣，離開馬頭圍之後就會向翔龍灣行，佢通常唔會搭巴士，因為等得嚟其實都已經返到去，二嚟就係中間有佢鍾意嗰間三餸飯。好似今日咁，佢就嗌咗一盒涼瓜水蛋雞髀，一盒白菜仔豆腐牛腩，至於我呢啲會自己煮菜嘅，就梗係生炒骨椒鹽豬扒加多隻雞髀…大大話話一齊嚟過三四次，可能個潷餸阿姐已經以為我係佢條仔。
一人一邊搦住袋飯，中間就繼續拖住。
你問我，其實無乜感覺，已經拖得太多女仔。




「家姐？妳同男仔行嘅？」地鐵口出嚟嘅人潮之一…
U：「啊，無呀，順路咪一齊行。」佢用反射神經甩開我隻手，先唔講我唔係住呢區，去到翔龍灣之後又要兜返回頭路，以所謂豪宅嚟講佢都算係夠晒唔方便。