【士㞗彈系列】《她被寄宿到鹽水男孩的家中》2K15中: 2K118

「哦。」無記錯佢講過細妹細佢兩年，望落身高同易汪差唔多，Zilvia咁瘦同白，樣係似家姐嘅，亦差唔多靚，但就完全無晒嗰種明亮嘅生氣，帶有一種霉嘅感覺。
U：「佢叫做阿爽呀，哈…妳咁夜先返去嘅？係喎，唔記得咗妳今日開始返補習社添，點呀，覺得有無幫助？」
「咪同返學差唔多，聽多次咁囉。」
U：「嗯，努力一定有成果㗎，再唔明就等家姐親自教妳啦！」我諗，俾夢中情人教係一定舒服過俾家姐教。
而且我唔信天王星佢無脾氣囉，嬲起上嚟就殺人咁款，傷心嗰陣就成隻死狗咁，如果我係佢細佬都驚咗佢呀；QQ就溫柔得多，明知我點都唔會考到好成績，主力同我清功課同為求合格，重成日鼓勵我升學失敗就去幽蘭公司度做貨櫃車司機…等我以為打機咁都搵到食。
我鬼唔知歐卡啲時間係行快五六倍咩，現實送一轉貨隨時六七粒鐘，而且日日行同一條路實悶死。
本身我唔係鍾意死纏嘅男仔做跟尾狗，但既然佢講得係順路我突然走咗去又好似好怪，結果我去到翔龍灣街角重要扮繼續向車房街嗰邊行，唔通扮到住埋喺度咩…
呢五個女神，都唔知點形容先好嘞，變態嘅易汪，猖狂嘅QQ，神經嘅天王星，霸道嘅幽蘭，抗拒嘅Zilvia…
我：「啊，乜咁早返到嚟呀？」
Q：「唔好話你自己夜，就嚟八點喇。」




我：「唓，我點知妳會唔會順便去搵男朋友喎。」
Q：「佢邊得閒，日日都要補習咁滯，我完佢都未完。」
我：「我…買得一盒飯咋，早知問妳返唔返嚟，雖然我都係臨時先決定買，妳餓唔餓㗎？」
Q：「妳見我咁嘅樣就知食唔食都得啦，個細路一路做功課就要一路食嘢，攪到我都食唔少。」
我：「咁…我而家去烚多半個椰菜然後一齊食啦。」一個椰菜五蚊雞，成嚿石頭咁又擺得，夠我同QQ兩個食兩餐，雖然佢每次都食到口苦面苦咁，但礙於有益關係都係會乖乖放落口，唔係因為窮喎，而家攞嚟配三餸飯就舒服好多，可以中和返街外嘢啲多餘嘅鹽。
Q：「見你咁關心我，我星期四約咗男朋友呀。」色迷心竅嘅我當然知道條仔約佢嘅時間表用意何在。
我：「玩得開心啲…咁係咪唔使預妳晚飯呀？」
Q：「當然啦，臨近聖誕係時候要食多啲，呵呵。」無眼睇，佢條仔當然食得好，好在平安夜嗰日無得…
我：「星期五又唔使煮，星期六晏晝呢？再之後呢？」其實係喺度串緊佢要餵食男朋友幾多次。