【士㞗彈系列】《她被寄宿到鹽水男孩的家中》2K15中: 2K119

Q：「到時先算啦！不過星期日唔使煮，我約咗幽蘭，到時你都嚟埋啦。」
我：「終於約到佢嗱？但…做乜叫埋我嚟嘅？」上次陪完佢同易汪行街，真係見過鬼都怕黑，雖然回報合理…
Q：「佢星期日係最安全㗎喇，假如爸爸媽媽要去應酬唔得閒嘅話…因為工人姐姐放假，管家有時會朝早過去睇佢補習，咁晏晝同夜晚就有機會出現真空，但如果無管家喺度嘅話佢都係唔可以亂出街，所以我係去同佢謦影相嗰日嘅服裝安排，之後一齊溫書，順便叫埋你過去揀禮物…」
我：「真複雜…朝早補習，晏晝又溫書唔會好灰咩？」
Q：「唔會，呢樣係勤奮好學生嘅職責嚟。」
我：「佢管家星期日都要過去開工睇住佢唔會好慘咩？」
Q：「唔會，管家呢份工係無法定休息日嘅，不過如果平時無特別嘢，佢唯一嘅工作就係接送幽蘭返學放學，中間嘅時間可以返屋企大覺瞓。」聽落呢份工非常吸引到我都想做，但呃唔到我嘅，單單係照顧嗰幾部車已經大把嘢攪，間屋有幾百粒燈膽又可以隨時壞…
我：「真係全年無休，唔使放返幾日假，去下旅行？」
Q：「當幽蘭屋企去旅行嗰陣就係佢嘅假期，前提係要間屋無其他工程，另外幽蘭暑假喺北海道嗰陣佢都放咗好多假。」
我：「幽蘭屋企…真係俾佢去參加攝影活動？」




Q：「幽蘭話佢會搞掂，聽落似係同屋企講…去參加同學會嘅聖誕活動，未必有講詳情，算啦，輪唔到你嚟擔心。」
我：「咁揀禮物嘅意思係？」
Q：「聖誕聯歡要交換禮物吖嘛，佢唔想我哋嘥錢特別去買，所以叫我哋去睇下佢屋企有乜物資。」
結果咁又一年，聖誕禮物嘅價值亦因為升咗高中嘅關係而變成一百蚊咁大把，重等我諗住買張超市禮券算數。
我：『生日快樂，十五歲嘅傻妹。』唔知瞓咗未呢？
U：『屌，早知唔同你講，攪到你變咗第一個。』
我：『乜妳班姐妹咁唔準時嘅咩？』
U：『未必記得掛，又或者已經瞓咗。』其他人我唔知，但QQ呢個鐘數多數喺床上面經營緊自己啲直播間，同粉絲講三五句嘢…至於佢記唔記得人哋生日就唔知。
我：『如果妳唔鍾意咁當我無講過啦。』
U：『唓，你下年都唔會記得啦，嘥氣。』




我：『無錯，唔使等到妳出年生日，新年後就唔記得。』
U：『收皮啦你！唉，雖然無鍾意嘅人，但想攬仔。』
我：『大個女喇，食住自己先啦…』
U：『唔要呀，點解我得一個人，羨慕嗰兩隻嘢。』
我：『因為佢哋曳囉，妳下年會有㗎喇，等下。』